Diogelu cyflogau yn costio £700,000 i’r Gwasanaeth Iechyd

 


Mae’r Gwasanaeth Iechyd yng Nghymru yn gwario bron i dri chwarter miliwn o bunnoedd y flwyddyn ar weinyddwyr y diddymwyd eu swyddi yn ystod ad-drefnu’r Gwasanaeth Iechyd yn 2009, yn ôl rhaglen BBC Radio Cymru heddiw.

Bydd y newyddion yn cael ei gyhoeddi ar y rhaglen materion cyfoes Manylu heno yn dilyn cais gan y rhaglen o dan Ddeddf Rhyddid Gwybodaeth.

Yn ystod ad-drefnu’r Gwasanaeth Iechyd yn 2009, cafodd saith Ymddiriedolaeth GIC a 22 bwrdd iechyd lleol eu huno i greu saith bwrdd iechyd wedi eu hintegreiddio. Y bwriad oedd cwtogi ar fiwrocratiaeth yn y system. Ond, yn ôl gwybodaeth a  gasglwyd gan Manylu, cafodd tua 120 o reolwyr a gollodd eu swyddi eu cadw mewn gwaith a chafodd eu cyflogau eu diogelu.

Mae ffigyrau gan y saith Bwrdd Iechyd Lleol yng Nghymru yn dangos bod cyflogau wedi eu diogelu gan 52 rheolwr ar gyflog uwch na £40,000 a bod 40 yn ennill dros £50,000 a 24 dros £80,000.

‘Brawychu’

Mae’r cyfanswm diogelu cyflogau yn costio tua thri chwarter miliwn o bunnoedd i’r Gwasanaeth Iechyd yng Nghymru, swm sy’n annerbyniol yn ôl AC Plaid Cymru, Llŷr Huws Gruffydd.

“Rwy wedi cael fy mrawychu o glywed y ffigyrau yma,” meddai Llŷr Huws Gruffydd o Blaid Cymru ar y rhaglen.

“Yn yr hinsawdd economaidd bresennol, mae’r byrddau iechyd lleol yn wynebu toriadau ac mae’n rhaid i bob ceiniog o’r arian weithio. Mae’r ffaith bod dros hanner miliwn o bunnau yn cael ei wario ar bobl sydd ddim mewn swyddi ystyrlon yn codi gwallt fy mhen,” meddai.

Yn ôl llefarydd ar ran Llywodraeth Cymru roedd diogelu cyflog yn un o’r pynciau a gytunwyd rhwng y gwasanaeth iechyd a’r undebau cyn ad-drefnu’r gwasanaeth iechyd yn 2009.

Yn ôl eu datganiad mae’r polisi yn cael ei adolygu ar hyn o bryd gan fforwm sy’n cynnwys cynrychiolaeth o’r Llywodraeth, y Gwasanaeth Iechyd a’r Undebau. Ond mae gweithwyr meddygol sy’n dweud eu bod yn gweithio o dan bwysau cynyddol yn galw am i’r Gweinidog Iechyd adolygu’r polisi o ddiogelu cyflogau yn wyneb y toriadau i’r Gwasanaeth Iechyd yng Nghymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd