4,000 wedi cystadlu yn Eisteddfod ‘T’ yr Urdd

 

Bydd miloedd yn cystadlu pan fydd Eisteddfod T yn cael ei chynnal wythnos nesaf rhwng Mai 25-29.

Hyd yn hyn, mae 4,000 wedi cystadlu mewn dros 80 o gystadlaethau, gyda mwy o gystadlaethau yn cael eu cynnal yn ystod yr wythnos.

Cafodd Eisteddfod yr Urdd eleni ei gohirio tan flwyddyn nesaf yn sgil y pandemig coronafeirws.

Yn ei lle, bydd eisteddfod ddigidol yn cael ei chynnal am y tro cyntaf, gyda chystadleuwyr yn anfon fideos o’u perfformiadau i gael eu beirniadu.

Bydd posib dilyn Eisteddfod T ar y teledu, radio ac ar-lein a bydd canlyniadau a gwybodaeth ar wefan s4c.cymru/urdd ac ar gyfryngau cymdeithasol yr Urdd gyda hashnod #EisteddfodT.

“Mae’r ymateb wedi bod yn anhygoel i’r holl gystadlaethau,” meddai Cyfarwyddwr yr Eisteddfod, Sian Eirian.

“Mae safon y cystadlu yn aruchel a’r deunydd ysgafn yn llawer iawn o hwyl – rydyn ni’n edrych ymlaen yn fawr am wythnos o adloniant hwyliog o safon, ar yr holl gyfryngau.

“Mae’n Eisteddfod wahanol, ond mae’n mynd i fod yn Eisteddfod wych.”

Ychwanegodd Cyfarwyddwr Cynnwys S4C, Amanda Rees: “Er gwaetha’r siom o golli wythnos Eisteddfod yr Urdd ar ei ffurf draddodiadol, rwy’n ffyddiog bydd Eisteddfod T yn gallu camu i’r adwy a chreu digwyddiad cyffrous a chwbl unigryw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn