Ap newydd i roi cyngor arbenigol i feddygon teulu mewn 25 eiliad

Diweddarwyd am  

Llun: CCO

Mae’r Gweinidog Iechyd, Vaughan Gething, wedi cymeradwyo £650,000 o gyllid ar gyfer system newydd sy’n darparu cyngor arbenigol i feddygon teulu, parafeddygon a gweithwyr gofal iechyd proffesiynol eraill, a hynny o fewn eiliadau.

Yn ôl Llywodraeth Cymru bydd yr ap Consultant Connect yn cael ei ddefnyddio gan y Gwasanaeth Iechyd Gwladol yng Nghymru i helpu i drin achosion o’r coronaferiws yn ogystal â chynnig cyngor ac arweiniad i gleifion.

Y bwriad yw y bydd yr ap yn atal derbyniadau ac atgyfeiriadau diangen i’r ysbyty ac yn sicrhau fod pobl sydd angen triniaeth yn ei derbyn, drwy roi mynediad cyflym i gyngor.

Mae’n rhoi mynediad at arbenigwyr ym maes meddygaeth anadlol, cardioleg, diabetes, gofal lliniarol, a meddygaeth acíwt ar gyfer y coronafeirws.

Bydd modd i feddygon teulu neu glinigwr gael mynediad i’r gwasanaeth drwy rif ffôn neu drwy ddefnyddio’r ap Consultant Connect, fydd yn eu cysylltu gydag arbenigwr mewn oddeutu 25 eiliad.

“Rwy’n falch iawn ein bod yn gallu dechrau cynnig yr ap Consultant Connect yn y Gwasanaeth Iechyd yng Nghymru. Bydd hyn yn helpu i gefnogi gweithwyr gofal sylfaenol i benderfynu ar y driniaeth gywir ar gyfer eu cleifion,” meddai Vaughan Gething.

“Yn awr, bydd yn arbed amser gwerthfawr i weithwyr gofal iechyd proffesiynol ac yn lleihau nifer yr ymweliadau y mae’n rhaid i gleifion eu gwneud â’r ysbyty, ar adeg pan fo ein Gwasanaeth Iechyd o dan bwysau ychwanegol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn