Cynadleddau Covid-19: galw am yr hawl i’r gwrthbleidiau ymateb

 
Aelod Cynulliad Arfon, Sian Gwenllian

Sian Gwenllian AC

Llun: Cynulliad Cenedlaethol Cymru

Dylai bod gan y gwrthbleidiau’r hawl i ymateb i gynadleddau dyddiol y Llywodraeth, yn ôl Aelod o’r Senedd Plaid Cymru.

Bob dydd am 12.30 y prynhawn, mae cynhadledd gan weinidog – neu swyddog meddygol – yn cael ei ddarlledu yn fyw gan y BBC.

Maen nhw hefyd yn cael eu darlledu ar gyfrif Twitter y Llywodraeth, ac mae newyddiadurwyr yn cymryd rhan yn rithiol â chamerâu. Covid-19 yw’r testun trafod bob tro.

Yn ôl Siân Gwenllian, Aelod o’r Senedd Arfon, dylai’r BBC roi cyfle i wleidyddion ymateb i’r cynadleddau. A bellach mae wedi anfon y cais ar ffurf llythyr.

“Atebolrwydd”

“Mae gweithredoedd llywodraeth yn dylanwadu ar gymaint o fywydau, ac ar anghenion y cyhoedd, ac mae’n bwysig bod y cyhoedd yn cael gweld pob ochr o’r broses ddemocrataidd,” meddai.

“Yn y wlad hon, rydym yn rhydd i gyflwyno safbwyntiau gwahanol. Felly dw i’n cynnig fy nghais er mwyn craffu ac atebolrwydd…”

Mae golwg360 wedi gofyn i Lywodraeth Cymru a’r BBC am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn