Datgelu rhagor am gynllun ‘goleuadau traffig’ corona’r Llywodraeth

 

Mark Drakeford, Prif Weinidog Cymru

Mark Drakeford

Mae Llywodraeth Cymru wedi taflu ychydig yn rhagor o oleuni ar sut y bydd cyfyngiadau coronafeirws yn cael eu llacio yng Nghymru.

Mewn cynhadledd i’r Wasg y prynhawn yma tynnodd Mark Drakeford, y Prif Weinidog, sylw at sustem ‘goleuadau traffig’.

Yn ei hanfod bydd yna gamau gwahanol, gyda’r cyfyngiadau ar eu hysgafnaf dan ‘olau gwyrdd’, ond ar eu llymaf dan ‘gyfyngiadau caeth’.

Mae’n bosib y bydd sawl ‘lliw’ mewn grym ar yr un pryd – hynny yw, gall ysgolion fod dan ‘olau gwyrdd’ tra bod siopau dan ‘olau oren’.

Roedd Mark Drakeford eisoes wedi crybwyll y fath sustem yn y gorffennol. Does dim amserlen wedi’i gynnig am y llacio.

Penderfyniadau

Mae’r Prif Weinidog wedi pwysleisio nad “y gair olaf” yw cyhoeddi’r cynllun yma, ond “rhan o sgwrs sy’n parhau”. Ac mae am glywed barn y cyhoedd am y cynlluniau.

Bydd penderfyniadau am y camau yn nwylo’r Prif Swyddog Meddygol Cymru, Frank Atherton, a Grŵp Cynghori Technegol Llywodraeth Cymru.

Bydd Grŵp Cynghori Gwyddonol ar Argyfyngau (SAGE) Llywodraeth y Deyrnas Unedig hefyd yn gyfrifol am benderfynu.

Y ‘goleuadau traffig’

  • Cyfyngiadau caeth – Ysgolion ar agor i ddisgyblion sy’ mewn perygl o niwed a phlant gweithwyr allweddol yn unig. Cynghori pobl i aros gartref, gan adael y tŷ dim ond ar gyfer teithio hanfodol a gweithio gartref os yw hynny’n bosib.
  • Coch – Galluogi ysgolion i reoli’r cynnydd mewn galw gan fwy o weithwyr allweddol a disgyblion agored i niwed yn dychwelyd; caniatáu teithio lleol, gan gynnwys ar gyfer manwerthu clicio-a-chasglu; pobl yn cael darparu neu dderbyn gofal a chymorth i/gan aelod o’r teulu neu ffrind o’r tu allan i’r cartref.
  • Oren – Grwpiau o ddisgyblion yn dychwelyd i’r ysgol fesul camau; caniatáu teithio ar gyfer hamdden a hefyd cyfarfod grwpiau bychain o deulu neu ffrindiau ar gyfer ymarfer corff; pobl yn gallu cael at fannau manwerthu a gwasanaethau nad ydynt yn hanfodol; mwy o bobl yn teithio i’r gwaith.
  • Gwyrdd – Pob plentyn a myfyriwr yn cael addysg; teithio digyfyngiad yn amodol ar gamau diogelu parhaus; caniatáu pob gweithgaredd chwaraeon, hamdden a diwylliannol, a hefyd cymdeithasu gyda ffrindiau, gan gadw pellter corfforol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn