Cynghorydd Plaid Cymru yn ymuno â’r ‘WNP’

Diweddarwyd am  
Neil McEvoy

Neil McEvoy

Llun gan Neil McEvoy

Mae cynghorydd Plaid Cymru wedi cyhoeddi ei fod yn gadael Plaid Cymru gan ymuno â phlaid Neil Mc Evoy, y ‘Welsh National Party’ neu’r ‘WNP’ (y mae ei henw dal dan ystyriaeth).

Dywed Cynghorydd Peter Read, sy’n cynrychioli ward Abererch, bod gwleidyddiaeth “clir a ffres” y ‘WNP’ wedi ei annog i droi ei gefn ar Blaid Cymru.

Dyma’r ail Gynghorydd o Wynedd i ymuno â’r blaid newydd, ar ôl i’r Cynghorydd Dylan Bullard ymuno â’r blaid ym mis Ebrill.

Ffurfiwyd y ‘WNP’ ddechrau’r flwyddyn ac mae bellach yn cynnwys saith cynghorydd mewn tri awdurdod lleol, yn ogystal ag un aelod o’r Senedd, sef Neil McEvoy wrth gwrs.

“Mae fy mhenderfyniad i ymuno â’r ‘Blaid Genedlaethol’ yn gam cadarnhaol i ysgwyd gwleidyddiaeth yng Ngwynedd a Chymru,” meddai’r Cynghorydd Read.

“Ymunais â’r [blaid hon] oherwydd bod ei wleidyddiaeth yn ffres ac yn glir. Mae gan Gymru a Gwynedd botensial enfawr.

“Nawr mae gennym ni blaid a all gynnig gwell i Gymru.”

Dywedodd Arweinydd y ‘WNP’, Neil McEvoy: “Mae momentwm go iawn yn perthyn i’r [blaid hon] yn awr.

“Mae gennym Gynghorwyr ac aelodau yn ymuno ledled y wlad a’r Cynghorydd Read yw’r diweddaraf i ymuno â’n tîm rhagorol.

“Y ‘Blaid Genedlaethol’ yw’r dewis amgen Cymreig go iawn yn awr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn