Perthynas “dameidiog” rhwng llywodraethau Cymru a Phrydain

Diweddarwyd  

Mark Drakeford

Llun: Cynulliad Cenedlaethol Cymru CC 2.0

Mae’r berthynas rhwng llywodraethau Cymru a Phrydain ar fater y coronafeirws yn un “dameidiog”, yn ôl Mark Drakeford.

Daw ei sylwadau ar raglen Sophy Ridge on Sunday ar drothwy newidiadau posib i gyfyngiadau’r coronafeirws yn Lloegr.

 

Mae disgwyl i Boris Johnson, prif weinidog Prydain, gyhoeddi unrhyw newidiadau am 7 o’r gloch heno (nos Sul, Mai 10) ond mae Mark Drakeford yn dweud y gallai unrhyw newidiadau mawr i’r hyn sydd ar waith yng Nghymru achosi dryswch.

 

“Pan fo yna ymgysylltu, mae’n dda ac yn fuddiol, a dw i’n difaru na allwn ni gael rhagor,” meddai.

Ar fater agor ysgolion eto, mae’n dweud y byddai unrhyw newid yn “arwyddocaol” ond “nid yn ddigynsail”.

“Mae ein gwyliau ysgol yn wahanol yng Nghymru i Loegr nawr,” meddai.

“Wrth i ni adeiladu’r boblogaeth ysgol i fyny yng Nghymru, fe wnawn ni hynny wrth drafod â’r undebau athrawon, awdurdodau lleol ac, yn bwysig iawn, gyda rhieni hefyd, ac fe wnawn ni’r penderfyniadau sy’n iawn i Gymru.

“Mae’n bosib y byddan nhw’n wahanol, mewn modd cynnil, i’r hyn sy’n digwydd yr ochr draw i’r ffin, ond fe fydd y cyfeiriad rydyn ni’n symud iddo – gyda dymuniad i allu dechrau defnyddio ysgolion i fwy o blant ac i ddychwelyd mwy o blant i’r ysgol – yn uchelgais rydyn ni’n ei rannu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn