Help i’r ffermwyr llaeth sydd wedi dioddef fwyaf

 
Buwch Friesian mewn cae

Llun: Parth Cyhoeddus

Fe fydd y ffermwyr llaeth sydd wedi cael eu taro waethaf gan argyfwng y coronafeirws yn cael rhywfaint o gyllid ychwanegol gan Lywodraeth Cymru.

Cafodd hyn ei gadarnhau mewn cyhoeddiad gan y Gweinidog Materion Gwledig, Lesley Griffiths, heddiw.

O dan y cynllun, fe fydd gan ffermwyr llaeth sydd wedi colli mwy na 25% o’u hincwm ym mis Ebrill ac wedyn ym mis Mai hawl i hyd at £10,000, i’w digolledu am 70% o’r incwm a gollwyd.

Y nod yw ceisio sicrhau y gall y ffermwyr hyn ddal ati heb gael effaith ar les anifeiliaid a’r amgylchedd.

Mae’r cyhoeddiad diweddaraf yn dilyn cyfres o fesurau eraill i helpu’r sector, sy’n cynnwys ymgyrch i gynyddu’r galw am laeth a llacio cyfreithiau cystadlu.

“Mae cau y sector gwasanaethau bwyd wedi cael effaith sylweddol ar ein sector llaeth a phrisiau y farchnad,” meddai’r Gweinidog Lesley Griffiths wrth gyhoeddi’r arian.

“Dwi felly’n falch o gadarnhau y bydd ffermwyr llaeth yng Nghymru yn gymwys am gymorth i helpu iddyn nhw addasu i’r amodau eithriadol yn y farchnad.

“Byddwn yn parhau i weithio’n galed â’r sector i helpu iddyn nhw fynd i’r afael â’r problemau y maen nhw’n eu hwynebu yn ystod y cyfnod anodd hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn