Pum egwyddor Kirsty Williams cyn agor ysgolion Cymru eto

Diweddarwyd am  
Pen ac ysgwyddau Kirsty Williams

Kirsty Williams, Y Gweinidog Addysg

Llun: Cynulliad Cenedlaethol Cymru CC 2.0

Bydd Kirsty Williams, Ysgrifennydd Addysg Cymru, yn cyhoeddi pum egwyddor allweddol heddiw (dydd Mawrth, Ebrill 28) ar gyfer agor ysgolion yng Nghymru eto.

Cyn ymddangos gerbron y Pwyllgor Plant a Phobl Ifanc, bydd hi’n egluro’i chynlluniau ar gyfer dull graddol fydd yn caniatáu disgyblion i ddychwelyd i’r ysgol.

Dim ond i blant gweithwyr hanfodol a phlant sydd mewn perygl o niwed mae ysgolion ar agor ar hyn o bryd.

Dywed Llywodraeth Cymru y bydd darpariaeth ysgolion yn addasu’n raddol ac yn ehangu ymhellach yn y dyfodol agos.

Mae’r prif weinidog wedi cyhoeddi fframwaith gyda saith cwestiwn allweddol i geisio arwain Cymru allan o’r pandemig coronafeirws.

Yr egwyddorion

Y pum egwyddor allweddol ar gyfer ailgychwyn ysgolion yn ôl y Gweinidog Addysg yw:

  • Diogelwch a lles meddyliol, emosiynol a chorfforol myfyrwyr a staff
  • Cyfraniad parhaus i’r ymdrech a’r strategaeth genedlaethol i frwydro yn erbyn ymlediad Covid-19
  • Hyder rhieni, staff a myfyrwyr – yn seiliedig ar dystiolaeth a gwybodaeth – fel y gallant gynllunio ymlaen llaw
  • Y gallu i flaenoriaethu dysgwyr ar adegau allweddol, gan gynnwys y rheini o gefndiroedd difreintiedig
  • Cysondeb â fframwaith Llywodraeth Cymru ar gyfer gwneud penderfyniadau, i sefydlu arweiniad i gefnogi mesurau fel ymbellháu, rheoli presenoldeb a chamau amddiffyn ehangach.

“Ni fydd ysgolion yn dychwelyd ar unwaith i weithredu i’w capasiti llawn,” meddai Kirsty Williams.

“Bydd yn broses raddol a dw i ddim yn disgwyl y bydd ysgolion yn sydyn ar agor i bob disgybl, o bob blwyddyn, drwy’r wythnos.

“Mae her barhaus COVID-19 yn golygu y byddwn yn paratoi ysgolion ar gyfer ystod eang o senarios hyd y gellir rhagweld.

“Pa mor annhebygol bynnag y bo, rhaid i ni baratoi ar gyfer sefyllfa sy’n gofyn i ysgolion leihau eu gweithgarwch ar adegau penodol yn y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn