Tyson Williams: ‘Bocsio wedi achub bywyd fy chwaer’

Diweddarwyd am  
Tamlyn Williams

Tamlyn Williams

Llun S4C

Er bod rhai o’r farn na ddylai merched gael bocsio, mae brawd un ferch sy’n bocsio yn grediniol bod y gamp wedi achub bywyd ei chwaer.

Yn ei harddegau cynnar, roedd Tamlyn Williams mewn trybini gyda’r heddlu.

Fe gafodd y ferch o Sandfields ym Mhort Talbot ei chyhuddo o achosi niwed corfforol difrifol – GBH – pan oedd hi’n 13 oed.

Bellach yn 24 oed, mae Tamlyn Williams wedi troi at focsio wrth geisio byw bywyd gwell.

Mi fydd hi i’w gweld ar raglen DRYCH: Bocsio Merched ar S4C nos Sul am naw.

Ac mi fydd ei brawd yn hel atgofion am ei chwaer a sut y bu i’r bocsio ei hachub.

“Roedd ei hagwedd yn broblem fawr, problem child, hollol off the rails,” meddai Tyson Williams.

“Os oedd rhywbeth yn digwydd, doedd hi ddim moyn i ddigwydd, roedd trafferth mawr.

“Os na fyddai Tamlyn wedi ffeindio rhywbeth fel bocsio, i gymryd ei hamser hi a’i hangerdd hi, byddai Tamlyn ddim yma heddiw.”

Troseddu

Ac mae’r focswraig yn cydnabod y gallai bywyd fod wedi bod yn wahanol iawn, heb y bocsio.

“Pan oeddwn i’n tyfu lan roedd pethau’n wahanol,” meddai Tamlyn Williams.

“Roeddwn i’n ffrindiau gyda’r wrong crowd a gwneud pethau doeddwn i ddim fod i wneud,” meddai’r ferch o Sandfields.

“Rydych chi’n gorfod cael tipyn bach o attitude i tyfu lan rownd fan hyn. Roedd fy ffrindiau yn fy nhynnu i lawr, doedden nhw ddim moyn gwybod os oeddwn i’n gwneud yn dda, neu rhoi popeth mewn i rhywbeth fel bocsio.

“Doedden nhw ddim yn cefnogi fi. Yr unig ddiddordeb oedd gyda nhw oedd troseddu – dwyn a stwff fel yna.”

DRYCH: Bocsio Merched ar S4C nos Sul am naw

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn