Nia Griffith wedi cael ei phenodi yn Ysgrifennydd Cymru yr wrthblaid

 

Mae’r Aelod Seneddol Llafur, Nia Griffith, wedi cael ei phenodi yn Ysgrifennydd Cymru yr wrthblaid.

Mae Aelod Seneddol Llanelli yn un o dri AS Llafur o Gymru yng nghabinet cysgodol arweinydd newydd y blaid Keir Starmer.

Roedd Nia Griffith wedi bod yn ysgrifennydd amddiffyn cysgodol y blaid ac yn llefarydd Cymru yr wrthblaid bedair blynedd yn ôl o dan arweiniad Jeremy Corbyn.

Mae Jo Stevens, AS Caerdydd Canolog wedi ei phenodi yn ysgrifennydd digidol, diwylliant, y cyfryngau a chwaraeon cysgodol y blaid.

A chafodd AS Torfaen Nick Thomas-Symonds ei benodi’n ysgrifennydd cartref cysgodol ddoe (dydd Sul, Ebrill 5).

Dywedodd Nia Griffith bod cael ei phenodi i gabinet cysgodol Keir Starmer yn “fraint” a’i blaenoriaeth fyddai “cefnogi Llywodraeth Cymru wrth iddi ymateb i her sylweddol pandemig y coronafeirws.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn