Gofal plant am ddim i weithwyr hanfodol

 

Llun: CC0

Mae Llywodraeth Cymru wedi lansio cynllun i ddarparu gofal plant am ddim i weithwyr hanfodol.

O dan y cynllun newydd, bydd cynghorau’n gallu defnyddio cyllid o Ddarpariaeth Gofal Plant Llywodraeth Cymru i gefnogi gofalwyr plant cofrestredig i ofalu am blant.

Mae’r cynllun yn cynnig darparu gofal i blant o dan bump oed am y tri mis nesaf.

Ar hyn o bryd, mae darpariaeth gofal plant Cymru’n cynnig 30 awr o ofal ac addysg i blant tair a phedair oed, a hynny am 48 wythnos y flwyddyn.

Ond bydd hyn yn cael ei ohirio gyda’r cynllun gofal plant y coronafeirws yn cymryd ei le.

Bydd Llywodraeth Cymru yn talu gofalwyr plant am yr oriau o ofal plant sydd wedi’u harchebu gan bobol eisoes.

“Mae’n hollbwysig nad yw rhieni sy’n weithwyr hanfodol – y rhai ar y rheng flaen – yn wynebu rhwystrau yn y frwydr yn erbyn Coronafeirws,” meddai’r Dirprwy Weinidog ar gyfer Iechyd a Gofal Cymdeithasol Julie Morgan.

“Bydd y cynllun cymorth gofal plant coronafeirws yn sicrhau bod rhieni sy’n weithwyr hanfodol yn cael y gofal plant y mae arnynt ei angen, a bydd darparwyr gofal plant yn cael sicrwydd o ran sut bydd eu busnesau’n gweithredu.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn