Oes gafr eto?

Diweddarwyd  
Geifr mewn gardd yn Llandudno

Geifr mewn gardd yn Llandudno

Llun: Tony Evans

Cafodd strydoedd Llandudno ymwelwyr o fath gwahanol ddydd Sadwrn (Mawrth 28) – ond mae’r creaduriaid â phedair coes wedi gadael erbyn hyn, yn ôl yr heddlu.

Roedd geifr y Gogarth wedi penderfynu dod i lawr i grwydro’r strydoedd.

Ai am fod mwy o le iddyn nhw grwydro’n rhydd, tybed? Pwy a ŵyr.

Ond fe aethon nhw yr un mor ddi-ffws ag y daethon nhw, yn ôl yr heddlu.

Mae ymweliad y geifr yn ddigwyddiad cymharol arferol i bobl Llandudno, ond er hynny, mae’r nifer o luniau a ymddangosodd ohonyn nhw ar Twitter dros y penwythnos yn profi eu bod nhw wastad yn creu ychydig o gynnwrf.

Ac mae angen codi gwên ar amser cythryblus, on’d oes?

Un ar ben garej

Dywedodd Julian Hughes Pennaeth Rhywogaethau’r RSPB ym Mangor bod cyn lleied o draffig ar y ffyrdd a cherddwyr yn golygu bod y geifr wedi mentro ymhellach i mewn i’r dref nag arfer.

“Maen nhw’n aml yn dod lawr o’r Gogarth Fawr ond yn amlwg mae nhw’n mentro i bob math o wahanol lefydd y tro yma gan ei bod mor dawel.

“Welais i lun o un ar ben garej rhywun bore ma!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn