Ffyliaid anghyfrifol yn dal i heidio i Gymru

Diweddarwyd  

Arfordir Sir Benfro

Llun: Huw Prys Jones

Mae twristiaid a hunan-ynyswyr yn dal i anwybyddu rheolau’r Llywodraeth ac yn teithio i gyrchfannau poblogaidd de-orllewin Cymru, yn ôl Heddlu Dyfed-Powys.

Dros y ddeuddydd ddiwethaf mae’r heddlu wedi gorfod atgoffa mwy na 200 o bobl beth yw ystyr ‘teithio hanfodol’.

“Rydym wedi gorfodi llawer o berchnogion carafanau a camper vans a oedd ar eu ffordd i Sir Benfro i hunan-ynysu i droi’n ôl,” meddai’r Sarjant Hamish Nichols.

“Rydym wedi siarad hefyd gyda dau berchennog maes carafannau sydd wedi bod yn agored ac wedi rhoi cyngor llym iddyn nhw a phob ymwelydd.

“Er bod y mwyafrif o bobl leol wedi cymryd canllawiau’r Llywodraeth o ddifrif, mae gormod o bobl fel pe baen nhw’n meddwl nad yw’r rheolau’n berthnasol iddyn nhw.

“Mae’r neges yn glir – lockdown yw hyn, nid gwyliau, ac mae unrhyw un sy’n anwybyddu’r cyfyngiadau presennol yn wynebu’r perygl o gamau’n cael eu cymryd yn eu herbyn.”

Fe fydd yr heddlu’n parhau i gynnal patrolau o draethau, ardaloedd arfordirol a mannau cyhoeddus eraill dros y penwythnos. Fe fyddan nhw hefyd yn cynyddu gwiriadau ar ffyrdd ar draws ardal yr heddlu.

Rhybudd Heddlu’r Gogledd

Dywed Heddlu’r Gogledd hefyd y byddan nhw’n defnyddio eu pwerau i orfodi os bydd angen.

“Mae hwn yn argyfwng iechyd cyhoeddus ac mae cydymffurfio â’r mesurau hyn yn angenrheidiol er mwyn sicrhau ymbellau cymdeithasol effeithiol,” meddai’r Prif Gwnstabl Carl Foulkes.

“Mi fydd y grymoedd newydd yn helpu fy mhlismyn wrth ymdrin â’r rheini sydd heb lawn ddeall difrifoldeb y sefyllfa.

“Siomedig oedd gweld cymaint o ymwelwyr yng ngogledd Cymru’n penwythnos diwethaf.

“Ond gyda’r parciau carafanau a’r meysydd gwersylla bellach ar gau, rydym yn gobeithio y gwnaiff pobl barhau i lynu at y negeseuon a chadw draw.

“Rydym yn annog unrhyw un a all fod yn ystyried ymweld â gogledd Cymru i aileddwl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn