Vaughan Gething yn sicrhau bod cyfarpar ar gael o stoc pandemig

Diweddarwyd am  
Pen ac ysgwydd Vaughan Gething

Vaughan Gething, Ysgrifennydd Iechyd Llywodraeth Cymru

Llun: Cynulliad Cenedlaethol Cymru CC 2.0

Mae’r Gweinidog Iechyd Vaughan Gething wedi cyhoeddi y bydd cyfarpar diogelu personol o stoc pandemig y wlad ar gael i staff rheng flaen y Gwasanaeth Iechyd sy’n ymdrin â chleifion y coronafeirws.

Yn ogystal, bydd mygydau, menig a ffedogau hefyd yn cael eu dosbarthu i bob un o’r 640  o glinigau meddygon teulu, a’r 40 o wasanaethau meddygon teulu allan o oriau yng Nghymru.

“Mae cyfarpar diogelu personol o’r stoc pandemig wedi cael ei ryddhau i’r Gwasanaeth Iechyd ac i’r sector gofal cymdeithasol i atgyfnerthu llwybrau cyflenwi rheolaidd y Gwasanaeth Iechyd sydd wedi dod o dan bwysau sylweddol,” meddai Vaughan Gething.

“Rwyf wedi awdurdodi cynnydd sylweddol o Gyfarpar Diogelu Personol i’r saith Bwrdd Iechyd, i’r gwasanaeth ambiwlans Cymru ac i Felindre.”

Diogeli fferyllfeydd

Dywedodd Vaughan Gething y bydd pob un o’r 715 fferyllfa yng Nghymru hefyd yn derbyn yr offer yma.

“Yn aml, fferyllfeydd yw’r pwynt cyswllt cyntaf i bobl sy’n chwilio am gyngor ar driniaethau cyn mynd at eu meddyg teulu,” meddai.

“Roedd hi’n hanfodol ein bod yn cymryd camau i ddiogelu’r gweithwyr gofal iechyd rheng flaen allweddol hyn sy’n delio bob dydd â phobl a allai fod yn sâl.”

Amserlen ailgyflenwi yn ansicr

Yn ôl Vaughan Gething, mae’r amserlen ailgyflenwi cyfarpar diogelu personol yn “ansicr”.

“Rhaid i ni ddefnyddio’r stoc sydd gennym yn effeithlon ac yn briodol nes bod ailgyflenwadau yn dod yn fwy sicr,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones