Caerfyrddin: Trawsnewid safleoedd i ddarparu cannoedd o wlâu ychwanegol

Diweddarwyd am  

Llun: CC0

Mae Cyngor Sir Caerfyrddin yn gweithio gyda Bwrdd Iechyd Hywel Dda i ddarparu cannoedd o wlâu ychwanegol pe bai eu hangen dros yr wythnosau nesaf i ymateb i’r coronafeirws.

Wrth baratoi am heriau heb eu tebyg o’r blaen, mae’r cyngor yn gweithio gyda Chyngor Tref Llanelli a’r sector breifat er mwyn cefnogi’r Bwrdd Iechyd i ddelio gyda’r cynnydd mewn gofal fydd ei angen.

Dros y dyddiau nesaf, bydd contractwyr yn cael eu comisiynu i newid safleoedd yng nghanolfan hamdden Caerfyrddin ac yng Nghanolfan Selwyn Samuel yn Llanelli.

Mae Parc y Scarlets hefyd wedi cynnig rhan helaeth o’u safle nhw a’u hadeiladau yn rhad ac am ddim er mwyn i’r awdurdodau lleol eu newid at ddefnydd y Gwasanaeth Iechyd (GIG).

Hanfodol

“Mae darparu’r gwlâu ychwanegol yma ar gyfer cleifion am fod yn hanfodol i ni allu rheoli’r llif o gleifion dros yr wythnosau sydd i ddod,” meddai Dr Phil Kloer, Cyfarwyddwr Meddygol a Dirprwy Brif Weithredwr Hywel Dda.

“Rydym yn hynod o ddiolchgar am y gefnogaeth rydym yn ei dderbyn gan ein hawdurdod lleol i helpu i wneud hyn yn bosib.”

“Rydym wedi cadw llygad barcud ar y sefyllfa yn yr Eidal i ddysgu lle bo modd ac i helpu wrth i ni gynllunio. Mae ein cydweithwyr yn Ewrop wedi dweud bod llif y cleifion yn ffactor allweddol wrth ymateb i’r pwysau mae Covid-19 yn ei roi ar y system.”

Dywedodd y Cynghorydd Jane Tremlett, yr Aelod o Fwrdd Gweithredol Cyngor Sir Caerfyrddin dros Iechyd a Gofal Cymdeithasol: “Mae’n hanfodol bod y GIG a Llywodraeth Leol yn rhannu eu harbenigedd yn y cyfnod eithriadol hwn er mwyn sicrhau ein bod yn cymryd y camau brys hyn.

“Dim ond drwy weithio gyda’n gilydd y gallwn oresgyn yr heriau hyn. Hoffwn ddiolch i Gyngor Tref Llanelli a Pharc y Scarlets am eu cefnogaeth.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn