Coronafeirws: Llywodraeth Cymru’n barod i gyflwyno “mesurau llym”

Diweddarwyd  
Llun: golwg360

Mark Drakeford

Mae Mark Drakeford, prif weinidog Cymru, yn rhybuddio y gallai Llywodraeth Cymru gyflwyno mesurau llym er mwyn gorfodi pobol i wrando ar gyngor teithio ac ynysu eu hunain oherwydd y coronafeirws.

Mae’n dweud ei bod hi’n bwysig nad yw’r cyhoedd yn anwybyddu’r cyngor meddygol os yw Cymru am osgoi rhagor o farwolaethau.

Mae 12 o bobol wedi marw yn sgil y feirws erbyn hyn, gyda 347 yn rhagor wedi profi’n bositif.

Daw rhybudd Mark Drakeford ar ôl i gynghorau sir rybuddio pobol i gadw draw o lefydd gwyliau poblogaidd, wrth iddyn nhw deithio yno yn eu heidiau i ynysu eu hunain.

Mae Adam Price, arweinydd Plaid Cymru, yn galw am wahardd pobol sy’n ynysu eu hunain rhag teithio i ardaloedd gwledig at eu hail gartrefi, parciau gwyliau a llefydd poblogaidd eraill.

Ac mae arweinwyr pedwar cyngor sir – Gwynedd, Ceredigion, Penfro a Chaerfyrddin – yn galw am sicrhau nad yw pobol yn teithio i’r ardaloedd hynny er mwyn osgoi rhoi mwy o bwysau ar y Gwasanaeth Iechyd a gwasanaethau gofal cymdeithasol.

Cyngor ‘cwbl hanfodol’

“Mae hunanynysu i’r sawl sydd â symptomau ac ymbellháu cymdeithasol gan bawb yn gwbl hanfodol ar hyn o bryd os ydyn ni am ohirio ymlediad y feirws yma ac achub bywydau,” meddai’r prif weinidog Mark Drakeford.

“Mae angen i ni i gyd ddilyn y cyngor hwn nawr er mwyn gwarchod ein gilydd a’n teuluoedd ac i helpu i sicrhau nad yw ein Gwasanaeth Iechyd yn cael ei orlwytho.

“Mae ymbellháu cymdeithasol yn cynnwys osgoi teithio o unrhyw fath os nad yw’n hanfodol, ac os nad yw pobol yn dilyn y cyngor hwn, fydd gennym ni ddim dewis ond defnyddio pwerau i’w orfodi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones