Galw am gau meysydd carafanau

 

Golygfa gyffredinol o barc carafanau

Llun: CC0

Mae un o gynghorwyr Gwynedd wedi galw am gau meysydd carafanau a safleoedd gwersylla yn sgil bygythiad y coronafeirws.

Fyddai’r Gwasanaeth Iechyd lleol ddim yn gallu delio â mewnlifiad o ddioddefwyr posib, yn ôl y Cynghorydd Alwyn Gruffydd o Dremadog.

“Mae meysydd carafanau a safleoedd gwersylla’r Sir, sydd yn agored o Fis Mawrth tan fis Hydref yn treblu’r boblogaeth mwy neu lai,” meddai.

“Byddai cau’r meysydd carafanau a’r safleoedd gwersylla’n torri ar filoedd o deithiau dianghenraid i’r ardal ac o ganlyniad yn atal y Feirws Corona rhag lledaenu’n ddiangen.”

Mae Alwyn Gruffydd yn credu y byddai perchnogion y meysydd carafanau a safleoedd gwersylla’n gwerthfawrogi mesur o’r fath, ac mae’n gobeithio na fyddai’n rhaid iddo bara’n hir.

Mae’n mynd yn ei flaen i ddweud bod “iechyd cyhoeddus flaenaf yn ein meddyliau ar adeg mor anodd”.

“Mae’n rhaid i bob un ohonom aberthu rhywbeth, ariannol neu beidio, er lles pawb,” meddai wedyn.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn