Coronafeirws: Atal arolygiadau Estyn ac ymweliadau eraill

 

Mae’r corff arolygu ysgolion Estyn wedi cyhoeddi ei fod yn atal holl arolygiadau a gweithgareddau cysylltiedig o heddiw (dydd Llun, Mawrth 16) ymlaen oherwydd y coronafeirws.

Dywedodd y corff eu bod wedi gwneud y penderfyniad “oherwydd y cyfnod cyfnewidiol a heriol sy’n wynebu ysgolion a darparwyr addysg a hyfforddiant eraill o achos Covid-19,” yn dilyn trafodaethau â Llywodraeth Cymru.

Fe fydd yn parhau am gyfnod amhenodol “hyd nes bod y sefyllfa bresennol wedi mynd heibio neu wedi newid yn sylweddol er gwell.”

“Helpu i gynnal lefelau staffio”

Dywedodd Meilyr Rowlands Prif Arolygydd Estyn:Rwyf wedi gwneud y penderfyniad hwn i ganiatáu i arweinwyr a staff ym mhob darparwr addysg a hyfforddiant, a’r sefydliadau hynny sy’n eu cefnogi, ganolbwyntio’n llawn ar les eu dysgwyr, eu staff a’u teuluoedd.

“Mae darparwyr yn debygol o weld cynnydd yn absenoldeb staff yn ystod yr amser hwn. Bydd y penderfyniad i atal gwaith arolygu yn helpu i gynnal lefelau staffio trwy sicrhau nad yw arolygwyr cymheiriaid ac arolygwyr eraill allan o’u sefydliadau ar yr adeg bwysig hon.”

Ychwanegodd y bydd eu staff yn helpu i gefnogi darparwyr a system addysg Cymru.

“Byddwn yn gweithio’n agos gyda Llywodraeth Cymru, awdurdodau lleol a chonsortia rhanbarthol i benderfynu ar y ffordd orau o wneud hyn. Efallai y bydd achosion lle hoffai darparwyr inni barhau â rhai agweddau ar ein gwaith ymgysylltu neu gefnogi gyda nhw, o bell o bosibl a thrwy ddefnyddio technoleg.”

Fe fydd Estyn yn parhau i adolygu’r sefyllfa, meddai.

Does dim cyhoeddiad ar hyn o bryd gan Lywodraeth Cymru ynglŷn â chau ysgolion oherwydd y coronafeirws ond mae Prifysgolion Bangor, Abertawe a’r Drindod Dew Sant wedi cyhoeddi eu bod nhw’n rhoi’r gorau i gynnal darlithoedd wyneb yn wyneb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones