Ymbellháu cymdeithasol: gofyn am eglurder gan Lywodraeth Cymru

Diweddarwyd  

Adam Price

Llun: Cynulliad Cenedlaethol Cymru CC 2.0

Mae Adam Price wedi anfon llythyr at y prif weinidog Mark Drakeford yn gofyn a yw’n cefnogi’r cynllun ymbellháu cymdeithasol a allai gael ei gyflwyno gan Lywodraeth Prydain yn sgil Coronafeirws.

Mae lle i gredu y gallai Llywodraeth Prydain wahardd cynulliadau mawr o bobol yr wythnos nesaf wrth geisio mynd i’r afael â’r firws sy’n ymledu ar draws y byd.

Ond fe ddaw’r adroddiadau hynny ar ôl i Boris Johnson, prif weinidog Prydain, ddweud nad oedd yn credu bod angen cymryd y fath gam.

Ac ar ddydd Gwener (Mawrth 13), meddai, roedd Ysgrifennydd Iechyd Cymru, Vaughan Gething wedi gorchymyn y gwasanaethau brys i beidio â staffio na chynllunio ar gyfer digwyddiadau mawr, fel sydd eisoes ar waith yn yr Alban.

Yn yr Alban, mae cynulliadau o 500 o bobol neu fwy eisoes wedi cael eu gwahardd.

Apêl

“Er mwyn sicrhau ymddiriedaeth y cyhoedd ac fel cam pellach yn erbyn ymledu Covid-19, gofynnaf i chi ystyried gweithredu ar bwerau sydd ar gael i chi yn unol ag Adran 45 Deddf Iechyd Cyhoeddus (Rheoli Afiechyd) 1984,” meddai Adam Price yn y llythyr.

“Mae Adran 45C(3) y Ddeddf yn caniatáu’r rheoliadau ar gyfer ystod o ddarpariaethau, gan gynnwys: “(c) gorfodi neu alluogi gorfodi cyfyngiadau neu ofynion ar bobol, pethau neu fangre, neu mewn perthynas â nhw, pe bai bygythiad i iechyd y cyhoedd neu wrth ymateb iddo.”

Mae’r rhain, meddai, yn cynnwys cadw plant draw o’r ysgol, cyfyngiadau ar gynnal digwyddiadau torfol, a chyfyngiadau ar drin, cludo, claddu neu amlosgi pobol neu weddillion dynol.

“Mae’n hanfodol fod Cymru’n defnyddio’r holl bwerau sydd ganddi eisoes er mwyn oedi ymlediad Covid-19 ac fe fyddwn ni oll yn eich cefnogi chi yn yr ymdrechion hynny.

“O ganlyniad i ddiddordeb dealladwy’r cyhoedd yn y mater hwn, byddaf yn rhyddhau copi o’m llythyr i’r wasg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones