Canslo eisteddfodau’r Urdd wrth i’r Coronafeirws ledu

Diweddarwyd am  
Eisteddfod yr Urdd

Eisteddfod yr Urdd

Eisteddfod yr Urdd

Wrth i’r coronafeirws ledaenu ymhellach, mae cyfres o eisteddfodau cylch yr Urdd wedi cael eu canslo yn ne orllewin Cymru.

Hyd yma mae tri achos o’r haint wedi eu cofnodi yn Sir Gaerfyrddin, ac mae dau achos wedi’u cadarnhau yn Sir Benfro.

Ac yn sgil hyn oll mae golwg360  yn deall bod dwy eisteddfod cylch wedi’u gohirio yn ardal Myrddin  (Sir Gaerfyrddin), ac un eisteddfod cylch wedi’i gohirio yng Ngheredigion.

Roedd disgwyl i eisteddfodau cylch Mynydd Mawr a Chwm Taf gael eu cynnal heddiw, ond mae’n debyg bod ysgolion wedi penderfynu peidio cymryd rhan.

Mae’n debyg bod Cyngor Sir Gaerfyrddin wedi cynghori ysgolion i ailystyried digwyddiadau torfol.

Mae eisteddfod cylch Llandysul yng Ngheredigion hefyd wedi ei gohirio, a hynny am fod tair ysgol wedi methu â chymryd rhan.

Mae’r tair ysgol – Ysgolion Cae’r Felin, Brynsaron ac Ysgol y Dwylan – naill ai yn Sir Gaerfyrddin neu’n agos at y sir honno.

“Urdd yn siomedig”

“Oherwydd argaeledd ysgolion a lleoliadau mae rhai eisteddfodau cylch wedi eu gohirio,” meddai llefarydd yr Urdd.

“Mae’r Urdd yn siomedig wrth gwrs ar ran yr holl gystadleuwyr oedd fod i gystadlu ac fe fyddwn yn edrych ar ddyddiadau eraill posib i aildrefnu’r Eisteddfodau.

“Mae’r Urdd yn dilyn canllawiau Iechyd Cyhoeddus Cymru a Llywodraeth Cymru ac yn parhau i fonitro’r sefyllfa. Byddwn yn gwneud cyhoeddiad os oes unrhyw newid pellach. “

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones