Cyhoeddi ‘Coedwig Genedlaethol’ Cymru

 
Llun: Llywodraeth Cymru

Coedwig yng Nghymru

Mae Llywodraeth Cymru wedi cyhoeddi ei bwriad i greu ‘Coedwig Genedlaethol’ a fydd yn ymestyn dros hyd a lled y wlad.

Bydd gwerth £5m yn mynd tuag at adfer a chynnal coetiroedd hynafol Cymru, a chreu coetiroedd newydd – daw’r arian yma o gyllideb y Llywodraeth.

Ac mi fydd £10m ychwanegol yn cael ei fuddsoddi mewn dau gynllun penodol – Creu Coetir Glastir ac Adfer Coetir Glastir.

Wrth gyhoeddi’r cynllun mae Prif Weinidog Cymru wedi tynnu sylw at yr “heriau amgylcheddol enfawr mae’r byd yn eu hwynebu”, ac mae’n dweud bod coedwigoedd yn ateb i hynny.

“Plannu hadau”

“Heddiw rydyn ni’n plannu hadau ein huchelgais,” meddai Mark Drakeford.

“Rydyn ni am weithio gyda ffermwyr, sefydliadau gwirfoddol, cynghorau, arbenigwyr yn yr amgylchedd a chymunedau lleol i droi ein huchelgais yn weithredu uniongyrchol a chyd-ymrwymiad hirdymor…

“Er mwyn cenedlaethau’r dyfodol mae’n ddyletswydd arnon ni i ddiogelu natur rhag peryglon ein hinsawdd wrth iddi newid, ond bydd amgylchedd naturiol iach hefyd yn amddiffyn ein cymunedau rhag y peryglon rydyn ni ein hunain yn eu hwynebu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones