Prif Weinidog Cymru’n dathlu ‘Diwrnod y Llyfr’

Diweddarwyd am  
Llun: Llywodraeth Cymru

Mark Drakeford yn adrodd y mabinogi i ddisgyblion

Mae Prif Weinidog Cymru wedi nodi ‘Diwrnod y Llyfr’ trwy ddarllen rhannau o’r Mabinogi i blant ysgol yn Aberystwyth.

Cafodd y sesiwn stori ei chynnal yn Llyfrgell Genedlaethol Cymru, a chafodd disgyblion ‘Ysgol Gynradd Gatholig Padarn Sant’ gyfle i weld copi o lawysgrif Llyfr Gwyn Rhydderch, sy’n cynnwys y casgliad cynharaf o geinciau’r Mabinogi.

Mae ‘Diwrnod y Llyfr’ yn cael ei gynnal pob blwyddyn gyda’r nod o annog y byd i ddarllen a chyhoeddi llyfrau.

Ac ar y diwrnod hwn mae Mark Drakeford wedi galw ar Gymru i “ysgogi ein pobl ifanc i garu darllen.”

“Rhannu straeon yw ein ffordd fwyaf swynol o gyfathrebu, a dylem fachu ar unrhyw gyfle i annog ein plant i ymgolli yn eu hud,” meddai.

“Trwyddynt, mae bydysawd o bosibiliadau diddiwedd yn tanio dychymyg heb ffiniau. Trwyddynt, gellir magu gwell ddealltwriaeth o fydoedd cymhleth a gwahanol safbwyntiau.”

Dyma ddetholiad o ddarlleniad y Prif Weinidog o’r Mabinogi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones