Athrawon o Gymru’n lobïo gwleidyddion San Steffan

 


Athro wrth ei waith (Etan J Tai CCA 3.0)
Roedd cannoedd o gynrychiolwyr o Gymru ymhlith athrawon a fu’n lobïo aelodau seneddol yn San Steffan heddiw yn rhan o’u protest yn erbyn newidiadau i’w pensiynau ac oed ymddeol.

Roedd cynrychiolwyr saith o undebau athrawon a darlithwyr wedi mynd i Lundain heddiw, gan gynnwys sawl llond bws o Gymru.

“Mae’n rhaid i ni ddangos nad y’n ni’n mynd i eistedd nôl a derbyn y newidiadau yma,” meddai Jayne Rees o Bontypridd wrth Golwg 360.

Mae hi’n aelod o’r undeb Cymraeg UCAC, ac ymhlith 40 o athrawon a deithiodd ar fws o Rhondda Cynon Taf.

Fe fu grwpiau o’r athrawon yn cwrdd â’u haelodau seneddol lleol i geisio ennill eu cefnogaeth. Er bod yr arweinydd Llafur, Ed Miliband, yn erbyn streiciau’r sector cyhoeddus roedd Jayne Rees yn credu bod Owen Smith, AS Pontypridd, yn cefnogi eu safbwynt.

Angen ystyried yr oblygiadau

Yn ôl Jayne Rees, sydd wedi bod yn dysgu babanod ac sydd bellach yn swyddog cynnal iaith yn Ysgol Gymraeg Aberdar, Mae angen i’r Llywodraeth ystyried effaith ymarferol ymestyn yr oed ymddeol, meddai Jayne Rees sydd wedi bod yn athrawes fabanod ag sydd bellach yn swyddog cynnal iaith yn Ysgol Gymraeg Aberdâr.

“Os y’n ni’n gweithio’n hirach, beth sy’n mynd i ddigwydd i’r rheiny sydd newydd raddio? Mae digon o bobol yn gorfod gwneud gwaith cyflenwi fel mae hi am ei bod hi’n anodd cael swyddi,” meddai.

“Ac o ran oedran, mae angen bod yn abl iawn yn gorfforol er mwyn delio â dosbarth llawn o fabanod,” meddai.

Mae’r undebau’n dweud y byddan nhw nawr yn ystyried ymateb y Llywodraeth cyn penderfynu a fydd rhagor o weithredu diwydiannol.

Mae nifer o’r undebau – gan gynnwys UCAC – eisoes wedi cynnal streiciau undydd. Maen nhw’n honni nad yw Llywodraeth Prydain yn trafod yn deg ac y bydd y drefn newydd yn golygu gweithio’n hwy, talu mwy a chael llai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl