Carchar am fygwth gyrrwr gyda chyllell fara

 

Mae dyn wnaeth fygwth gyrrwr gyda chyllell fara a mynnu lifft i Lanelli funudau ar ôl iddo ddwyn 200 o sigaréts a thybaco, wedi cael ei ddedfrydu i garchar.

Gwnaeth Patrick Duffy, 26 oed, i’r gyrrwr deimlo fel y basa’n cael ei anafu petai o ddim yn cael pas yn ei gar ar Chwefror 22.

Mae Patrick Duffy wedi cael 52 wythnos yn y carchar ar ôl iddo gyfaddef i ddwyn, ffrwgwd a bod gydag arf mewn man cyhoeddus.

“Roedd hwn yn ddigwyddiad ofnus i’r dioddefwr oedd yn teimlo fod ei ddiogelwch mewn risg,” meddai’r Sarjant Craig Roderick.

“Diolch i ymholiadau cyflym y swyddog yn yr achos, cafodd y troseddwr ei arestio a’i ddedfrydu o fewn deuddydd.”

Rhedeg o siop heb dalu

Roedd Patrick Duffy wedi mynd mewn i siop Premier yn Llwynhendy ac wedi cymryd gwerth £116 o sigaréts a thybaco cyn rhedeg o’r siop heb dalu.

Lawr y stryd, stopiodd gar a gofyn i’r gyrrwr am lifft i ardal Morfa Llanelli, ac er i’r gyrrwr ddweud y gallai ddim ond mynd ag ef mor bell ag Asda, aeth Patrick Duffy i mewn i’r car.

Pan ddywedodd y gyrrwr wrtho mai i Asda yr oedd yn mynd drachefn, dangosodd Patrick Duffy gyllell a dweud “dos a fi i Morfa”.

Dywed y gyrrwr ei fod yn teimlo nad oedd ganddo ddewis ond cydymffurfio.

Wrth i’r car basio Trostre, dywedodd Patrick Duffy wrth y gyrrwr i dynnu drosodd, ac aros amdano.

Dreifiodd y gyrrwr i ffwrdd yn syth, ac roedd yn gallu gweld Patrick Duffy yn rhedeg ar ei ôl , ond sylweddolodd nad oedd ganddo’r gyllell mwyach.

Pan welodd fan heddlu dyma’r gyrrwr yn fflachio ei oleuadau arni cyn adrodd yr hyn oedd wedi digwydd.

Cafodd y gyllell ei darganfod o dan sedd teithiwr ei gar.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones