Ffigurau S4C Clic ddim yn adlewyrchu nifer y gwylwyr

 
Logo S4C

Mae ffigurau S4C a gafodd eu cyhoeddi ddoe (dydd Mercher, Chwefror 26) yn cyfri nifer y cyfrifon sydd wedi cofrestru ar gyfer gwasanaeth Clic, ac nid nifer y gwylwyr.

Dyna ddywed y sianel wrth golwg360 ddiwrnod ar ôl iddyn nhw gyhoeddi’r garreg filltir o 100,000 o danysgrifiadau i’r gwasanaeth ar y we.

Yn ôl llefarydd, does ganddyn nhw ddim cymhariaeth uniongyrchol rhwng ffigurau Clic a ffigurau gwylio’r sianel dros y chwe mis dan sylw.

Fel gwasanaeth ar y we, gall unrhyw un yn unrhyw ran o’r byd wylio Clic, tra bod ffigurau gwylio’r sianel wedi’u cyfyngu i wledydd Prydain yn unig.

Ond maen nhw’n dweud bod gwasanaeth Clic wedi arwain at ddenu mwy o wylwyr i’r sianel.

‘Cyfnod o newid sylweddol’

“Mae’r ffigwr 100,000 yn cyfeirio at y nifer o gyfrifon S4C Clic sydd wedi eu creu,” meddai llefarydd.

“Nid yw’n adlewyrchu, yn uniongyrchol, ffigurau gwylio.

“Mae gwylio’r teledu mewn cyfnod o newid sylweddol a bydd yn cymryd amser cyn ein bod yn gallu gweld patrymau pendant yn datblygu.

“Teledu sydd dal i ddod â’r mwyafrif llethol o holl oriau gwylio i gynnwys S4C, ond rydym wedi gweld cynnydd o 25% mewn gwylio drwy S4C Clic a BBC iPlayer dros y flwyddyn ddiwethaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones