Cefnogwyr Casnewydd: “sori” am ffrae tân Bradford

Diweddarwyd am  

Bathodyn Casnewydd

Mae cronfa wedi cael ei sefydlu gan gefnogwyr Clwb Pêl-droed Casnewydd i helpu elusen digartrefedd yn Bradford.

Fe ddaw yn dilyn ffrae ar ôl i rai o gefnogwyr yr Alltudion anelu caneuon sarhaus at gefnogwyr am dân yn stadiwm Bradford oedd wedi lladd 56 o bobol yn 1985.

Ymhlith y rhai a gafodd eu sarhau roedd Stuart McCall, rheolwr Bradford, a’i dad wedi cael ei anafu’n ddifrifol yn y trychineb.

Daw’r dudalen ar wefan Just Giving ddiwrnod ar ôl i’r clwb ymddiheuro am y niwed a gafodd ei achosi, wrth i Heddlu Gwent hefyd gynnal ymchwiliad i’r mater.

Pan heriodd y clybiau ei gilydd ar Rodney Parade ddydd Sadwrn, yr Alltudion enillodd y gêm o 2-1.

Ond mae’r helynt yn gysgod tros y gêm erbyn hyn.

Y gronfa

Mae cronfa bellach wedi cael ei sefydlu gan Jim Drewett.

Mae £360 wedi cael ei godi hyd yn hyn.

“Yn wyneb digwyddiad diweddar yn Rodney Parade, hoffem ni gefnogwyr Casnewydd gyfrannu at Bradford Nightstop, a dweud ‘sori’ am unrhyw niwed a gafodd ei achosi i bobol Bradford,” medd neges ar y dudalen.

Cafodd Bradford Nighstop ei sefydlu yn 1993 i bobol 16-25 oed sy’n ddigartref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn