Dim sêl bendith i arholi TGAU yn ddigidol – eto

Diweddarwyd am  
Nifer o bobol ifanc wrth ddesgiau

Pobol ifanc yn sefyll arholiad

Llun: parth cyhoeddus

Mae David Jones, cadeirydd newydd Cymwysterau Cymru, yn awgrymu y gallai myfyrwyr Cymru weld mwy o ddefnydd o asesiadau electroneg yn y cwricwlwm newydd, gan gynnwys sefyll arholiadau ar-lein.

Ond mae Suzy Davies, yr Aelod Cynulliad Ceidwadol, wedi mynegi pryder am ymarferoldeb y drefn newydd.

“Er nad ydw i’n gyfan gwbl yn erbyn y syniad, mae angen mwy o drafodaeth a llawer mwy o fanylion cyn y galla i roi A* iddo,” meddai llefarydd addysg y Ceidwadwyr Cymreig.

“Mae bywydau llawer o bobl ifanc a phobl oedran ysgol yn gynyddol ar-lein, ac mae llawer o ddysgu yn barod yn digwydd yn ddigidol- byddai angen i mi weld llawer mwy o fanylion cyn ei hyrwyddo.

“Beth sydd yn fy mhoeni i yw sawl myfyriwr fyddai’n gallu sefyll arholiad ar un tro.

“Ac eithrio dosbarthiadau TGCh, does gan yr un dosbarth gyfrifiadur yr un i bob disgybl, heb sôn am flwyddyn gyfan neu grŵp i’w harholi ar yr un pryd.”

Problemau ychwanegol

Mynegodd hefyd sut mae “mynd yn ddigidol” yn medru cyflwyno problemau ychwanegol.

Mae hi wedi cyfeirio at fis Mai diwethaf pan fu rhaid i fwrdd arholi CBAC ymddiheuro am y “materion technegol” a amharodd ar arholiad TGAU Gwyddoniaeth ar ffurf electronig.

“Mae cyfnod arholiadau yn ddigon anodd fel mae hi, ond byddai oedi ar y cychwyn – ac yn ôl y sôn fe effeithiodd hyn lawer o fyfyrwyr mewn sawl sir yng Nghymru – yn gallu bwrw’r person ifanc mwyaf parod a chyfarwydd oddi ar ei echel.

“Mae angen sicrwydd na fyddai sefyllfa fel hyn yn digwydd eto.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn