Codi pont newydd ar briffordd yn Llŷn

 
Arfbais y sir ar adeilad y cyngor

Pencadlys Cyngor Gwynedd, Caernarfon

Llun;Parth cyhoeddus

Mae Cabinet Cyngor Gwynedd wedi rhoi sêl bendith i gais o £1.2 miliwn er mwyn adeiladu pont newydd dros Afon Rhyd-hir ar yr A497 ger Boduan.

Bydd y cais yn cael ei ystyried gan y Cyngor llawn ar Fawrth 5, ac mae disgwyl i gais cynllunio yn cael ei gyflwyno cyn bo hir.

“Rwy’n falch o weld ein bod yn datblygu prosiect hynod o bwysig i ddatblygu pont newydd dros Afon Rhyd-hir ar y brif ffordd rhwng Nefyn a Phwllheli. Mae hwn yn ffordd o bwys i’r bobl sy’n byw ac yn gweithio yn yr ardal yma o Wynedd,” meddai’r Cynghorydd Catrin Wager.

“Edrychaf ymlaen at weld y cynlluniau ar gyfer y bont newydd.”

“Her fawr”

Mae gwaith adnewyddu’r hen bont restredig gradd II ar yr A497 eisoes wedi dechrau, a’r disgwyl yw y bydd yn ail-agor i’r cyhoedd fis Mehefin.

Yn y cyfamser, mae gyrwyr yn defnyddio’r bont dros-dro mae Cyngor wedi ei osod.

Cafodd yr hen bont ei chau i draffig ddiwedd Ionawr 2019 oherwydd difrod strwythurol a gosodwyd pont dros-dro dros yr afon, sydd dal i gael ei defnyddio.

Dywed Pennaeth Priffyrdd a Bwrdeistrefol Cyngor Gwynedd, Steffan Jones: “Dioddefodd Pont Bodfel ddifrod strwythurol sylweddol o ganlyniad i ysgwrio o dan sylfaeni’r bont.

“Gan ei fod yn bont gerrig tri-bwa rhestredig sy’n dyddio’n ôl i’r 19eg ganrif, mae ei hadnewyddu wedi bod yn her fawr.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones