Rhybuddion llifogydd mewn grym ledled y gogledd

Diweddarwyd am  

Afon Conwy yn Llanrwst fore Sadwrn 22 Chwefror 2020

Llun: Huw Prys Jones

Mae rhybuddion gwyliadwriaeth llifogydd mewn grym ledled y gogledd a’r canolbarth ar ôl oriau o law trwm neithiwr.

Ymhlith yr afonydd sy’n cael eu henwi fel rhai sydd mewn perygl o orlifo mae Conwy, Elwy, Clwyd, Dysynni, Dyfi, Glaslyn a Dwyryd, Mawddach ac Wnion, Dyfrdwy, Hafren ac Efyrnwy.

Yn ogystal â’r 16 o rybuddion gwyliadwriaeth yn nalgylchoedd yr afonydd hyn, mae rhybuddion coch mwy difrifol sy’n annog gweithredu ar unwaith mewn tri lle:

  • Y ffordd ar draws pont Llanrwst i gyfeiriad Trefriw
  • Dyffryn Efyrnwy yn ardal Meifod
  • Dyffryn Dyfrdwy islaw Llangollen – rhybudd sydd wedi bod mewn grym ers bron i bythefnos.

Er hyn, yng ngweddill Cymru y mae disgwyl y glaw trymaf heddiw ac yfory.

Mae rhybudd melyn am law trwm wedi bod mewn grym yn holl siroedd y de a’r canolbarth ac eithrio Sir Benfro ers 3 o’r gloch y bore, ac fe fydd yn parhau hyd 3 o’r gloch bnawn yfory.

Dywed y Swyddfa Dywydd fod disgwyl i law symud o’r gorllewin i’r dwyrain ar draws de Prydain ac y gall fod yn arbennig o barhaus a thrwm yng nghanolbarth a de Cymru fore yfory.

Ffordd y B5106 rhwng Llanrwst a Trefriw o dan ddwr fore Sadwrn 22 Chwefror 2020

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones