Byddai cyfran o blant Cymru’n ystyried bwyta pryfed i ginio

 

Pryfed tân neu griciaid

Liun parth cyhoeddus

Mae ymchwil yn dangos y byddai rhai o blant Cymru’n barod i fwyta pryfed i ginio yn yr ysgol.

Mae academyddion wedi bod yn astudio agweddau plant tuag at fwyta pryfed – neu entomophagy.

Cafodd sesiynau blasu eu cynnal gyda bron i 200 o ddisgyblion yng Nghymru, gan ddefnyddio cynnyrch sydd wedi’i greu gan ddefnyddio pryfed a briwgig protein planhigion.

Mewn tair ysgol, cafodd disgyblion flasu byrger a bolognese VEXo, sy’n cael eu creu gan y cwmni Cymreig, Bug Farm Foods.

Yn ôl ymchwilwyr, roedd y plant yn hoff o’r prydau ac yn agored i’r syniad o fwyta bwydydd tebyg yn gyson.

Roedd y bolognese VEXo yn hynod boblogaidd ymhlith y disgyblion, a phan gafodd y pryd ei roi ar fwydlen yr ysgol dros dro, dewisodd 60% o’r plant y pryd hwnnw yn hytrach na phryd traddodiadol.

“Dyma’r tro cyntaf mae ymchwil fel hyn wedi ffocysu ar bobl ifanc, a dyma’r tro cyntaf mae sesiynau blasu gyda phryfaid bwytadwy wedi cael ei gynnal,” meddai Dr Verity Jones, arweinydd yr ymchwil.

“Efallai ei fod yn sioc i’r rhieni, ond roedd ymateb y plant yn hynod bositif.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn