Cychwyn ar y gwaith o adfer wedi dwy storm eithafol

Diweddarwyd am  
Llifogydd ger Trefforest

Llifogydd ger Ystad Ddiwydiannol Trefforest

Llun: Ioan Dyer / GTFM

Bu cynrychiolwyr o awdurdodau lleol yng Nghymru yn mynychu cyfarfod brys wedi’i drefnu gan y Prif Weinidog ddydd Iau (Chwefror 20) i gydlynu ymdrechion i ymateb i’r dinistr achoswyd gan Storm Ciara a Storm Dennis.

Mae Llywodraeth Cymru yn sefydlu cronfa argyfwng i sicrhau bod y rhai hynny sydd wedi cael eu heffeithio waethaf yn derbyn y gefnogaeth y maen nhw ei angen ar frys.

Achosodd Storm Ciara lifogydd trwm gan darfu’n ddifrifol ar lawer o ardaloedd yng ngogledd Cymru’r wythnos diwethaf, gydag amddiffynfeydd llifogydd yn cael eu bygwth a llifogydd difrifol ar draws y rhanbarth.

Cafodd nifer sylweddol o dai a busnesau ar draws Cymru hefyd eu difrodi gan lifogydd.

Mae awdurdodau lleol ar hyn o bryd yn gweithio i asesu’r effaith ariannol ar gymunedau, gyda’r ffigwr terfynol yn debyg o fod yn sawl miliwn.

Cyngor

Mae rhybuddion tywydd yn parhau i fod mewn grym mewn rhai ardaloedd wrth i’r tywydd ansefydlog barhau. Y cyngor i drigolion yw dilyn unrhyw ddiweddariadau neu negeseuon gan eu hawdurdod lleol wrth i’r sefyllfa barhau i fod yn beryglus mewn sawl ardal.

Dywed y Cynghorydd Andrew Morgan (Rhondda Cynon Taf), Arweinydd Cymdeithas Llywodraeth Leol Cymru (CLlLC): “Er ei bod yn dal yn rhy gynnar i wybod yn llawn raddfa’r difrod a achoswyd gan y stormydd, dengys rhagolygon cynnar bod miloedd o eiddo a busnesau, ynghyd ag isadeiledd allweddol megis gweithiau dŵr, priffyrdd a phontydd, wedi cael eu heffeithio’n ddrwg.

“Mae’n mynd i gymryd amser i adfer ac ailadeiladu yn llawn, a bydd llywodraeth leol yn parhau i weithio’n agos gyda Llywodraeth Cymru a phartneriaid perthnasol eraill.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn