Mwy o wynt a glaw ar y ffordd

Diweddarwyd  

Llun: CC0

Mae disgwyl i ragor o law trwm ddisgyn yng Nghymru heno, yn enwedig ar dir uchel, wrth i dywydd drwg ein cyrraedd o Fôr yr Iwerydd.

Mae rhybudd melyn am law mewn grym tan ddau o’r gloch bnawn yfory ledled Cymru ac eithrio Siroedd Penfro, Môn a Fflint.

Mae rhagolygon am ragor o wynt a glaw yn y dyddiau nesaf hefyd, er nad oes disgwyl i’r tywydd fod mor ddifrifol â Stormydd Ciara a Dennis.

Yn ôl y Swyddfa Dywydd, mae 70-100mm o law yn debygol iawn o ddisgyn yn y gogledd-orllewin. Er nad ydyn nhw’n disgwyl cymaint yn y de, mae gwlybaniaeth y tir yno yn peri pryder am lifogydd pellach.

Gostyngodd nifer y rhybuddion llifogydd yn y 24 awr ddiwethaf, ond mae lefelau dŵr wedi parhau i fod yn uchel mewn nifer o ardaloedd.

Mae pum rhybudd llifogydd yn dal mewn grym yng Nghymru – dau ar afon Mynwy, dau ar afon Gwy a’r llall ar afon Dyfrdwy islaw Llangollen. Mae nifer y rhybuddion melyn llifogydd bellach i lawr i bump.

“Mae Storm Dennis wedi hen fynd, ond gyda lefelau dŵr yn parhau i fod yn uchel, mae’r bygythiad o lifogydd dal yn bosibl,” meddai prif ddaroganwr Swyddfa’r Tywydd, Steve Willington.

Yn y cyfamser, mae Rheolwr Tactegol Cyfoeth Naturiol Cymru, Scott Squires, yn addo cadw llygad barcud ar y sefyllfa:

“Wrth i ddŵr y llifogydd gilio a chymunedau ddygymod â’r difrod, byddwn yn parhau i gefnogi awdurdodau lleol a’r gwasanaethau brys yn yr ardaloedd sydd wedi eu heffeithio,” meddai.

“Dros y dyddiau nesaf bydd ein timau yn chwilio am unrhyw arwyddion o ddifrod i’n hamddiffynfeydd llifogydd, ac yn symud unrhyw rwystrau neu falurion sydd wedi cronni mewn gridiau draen a chylfatiau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones