Galw am ymchwiliad i “dwyllo cleifion” Betsi Cadwaladr

Diweddarwyd  
Aelod Cynulliad Arfon, Sian Gwenllian

Sian Gwenllian AC

Llun: Cynulliad Cenedlaethol Cymru

Mae Aelod Cynulliad Plaid Cymru dros Arfon Siân Gwenllian wedi galw am ymchwiliad cwbl annibynnol i wasanaethau fasgwlaidd yng ngogledd Cymru, yn dilyn adroddiad damniol sy’n dweud nad oes gan gleifion unrhyw hyder ym Mwrdd Iechyd Betsi Cadwaladr.

Mewn adroddiad gan Gyngor Iechyd Cymunedol gogledd Cymru (CIC), mae’n nodi cyfres o feirniadaethau damniol o’r Bwrdd Iechyd, o gleifion sydd â gormod o ofn defnyddio’r gwasanaeth fasgwlaidd, i rai cleifion yn dweud na chawsant unrhyw ofal yn dilyn llawdriniaeth.

“Rwyf wedi dadlau’n gyson yn erbyn israddio gofal fasgwlaidd yn Ysbyty Gwynedd, gan wybod y byddai diogelwch cleifion yn cael ei beryglu,” meddai Siân Gwenllian.

“Mae’r adroddiad hwn yn ymhelaethu ar fy mhryderon a dros yr ychydig fisoedd diwethaf, mae methiannau difrifol pellach wedi dod i’r wyneb, pob un yn peryglu diogelwch cleifion.”

‘Adroddiad gwirioneddol ddamniol’

“Mae arnom angen ymchwiliad cwbl annibynnol a thryloyw i ofal fasgwlaidd ym Mwrdd Iechyd Prifysgol Betsi Cadwaladr a bydd yn ddyletswydd ar y Bwrdd wedyn i gyhoeddi’n llawn yr holl dystiolaeth sy’n ymwneud â’r methiannau difrifol hyn sy’n peryglu bywydau cleifion,” meddai wedyn.

“Dyma adroddiad gwirioneddol ddamniol.

“Daw â thystiolaeth frawychus i’r wyneb gan gleifion, eu teuluoedd a staff y Bwrdd Iechyd ynghylch methiannau difrifol mewn gofal fasgwlaidd yng ngogledd Cymru.

“O gleifion a gafodd eu twyllo ynglŷn â chadw gwasanaethau fasgwlaidd yn Ysbyty Gwynedd, i deuluoedd a chleifion o dde Meirionnydd a orfodwyd i aros mewn gwestai i gael mynediad at driniaeth angenrheidiol.

“Mae’r adroddiad yma yn ategu yr hyn yr ydym eisoes yn ei wybod; mae pobl wedi cael eu twyllo o’r cychwyn cyntaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones