Galw am ddiogelu dyfodol canolfan DVSA Caernarfon 

Diweddarwyd am  

Llun: CC0

Mae Aelod Seneddol Plaid Cymru Arfon Hywel Williams yn galw ar Adran Drafnidiaeth San Steffan i ddiogelu canolfan brawf y DVSA – Asiantaeth Safonau Gyrwyr a Cherbydau – yng Nghaernarfon.

Mae cwmnïau hyfforddi gyrwyr yn Arfon wedi mynegi eu pryder wrth Hywel Williams fod cynlluniau i symud y ganolfan brawf o Ystâd Ddiwydiannol Cibyn yng Nghaernarfon i Wrecsam.

Mae’r ganolfan yn darparu cyrsiau gyrru gan gynnwys hyfforddiant LGV, HGV a PCV, ar draws Gwynedd gyfan.

Os yw’r ganolfan brawf yn symud o Gaernarfon, bydd disgwyl i’r rhai sy’n cymryd prawf Cerbydau Nwyddau Mawr (LGV), Cerbydau Nwyddau Trwm (HGV) a cherbydau Cludo Teithwyr (PCV) sefyll eu prawf yn Wrecsam.

‘Cwbl annerbyniol’

“Mae’n gwbl annerbyniol fod y DVSA (Asiantaeth Safonau Gyrwyr a Cherbydau) yn ystyried cau cyfleusterau lleol pwysig heb unrhyw ymgynghori ymlaen llaw o gwbl, a hynny pan fydd bywoliaethau hyfforddwyr gyrru’r ardal yn y fantol,” meddai Hywel Williams.

“Mae cael canolfan brawf DVSA wedi’i lleoli’n ganolog yng Nghaernarfon yn golygu y gall dysgwyr o bob rhan o Wynedd sefyll eu prawf yn lleol, ac ar ffyrdd y maent yn gyfarwydd â hwy, ac y maent wedi seilio eu rhaglen hyfforddi arbenigol arnynt.

“Y peth olaf yr wyf am ei weld yw dim gwasanaeth o gwbl yn cael ei ddarparu yng Ngwynedd ac i yrwyr newydd gael eu gorfodi i sefyll eu prawf yn Wrecsam. Rwy’n bryderus iawn am y pryder a grëwyd gan yr ansicrwydd yma.”

Mae’r DVSA wedi gwrthod cadarnhau dyfodol Canolfan Brawf Caernarfon.

Mae Hywel Williams AS wedi trefnu cyfarfod â’r Farwnes Vere, Gweinidog yn yr Adran Drafnidiaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn