Adwaith yn rocio Lerpwl a chyhoeddi fersiwn syrff-roc o gân draddodiadol

Diweddarwyd am  

Adwaith yn ennill y wobr gerddoriaeth Gymreig

Llun: Recordiau Libertino

Mae Dydd Miwsig Cymru yn gyfle da i gyflwyno cerddoriaeth Cymraeg i gynulleidfa newydd, yn ôl aelod un o fandiau amlycaf y sin.

I nodi’r diwrnod bu Adwaith, band ôl-roc o Gaerfyrddin ac enillwyr y Wobr Gerddoriaeth Gymreig 2019, yn perfformio yn Lerpwl.

Yn ôl chwaraewr gitâr fas y band, Gwenllian Anthony,  roedd yr ymateb yn “really dda”; ac mae’n edrych yn eiddgar at eu gig yn Wrecsam yfory – mi fydd yn “amazing”, meddai.

Mae’r cerddor yn hoff iawn o Ddydd Miwsig Cymru ac mae’n credu ei fod yn ffordd dda o gyflwyno pobol at gerddoriaeth y sin Gymraeg.

“Fi’n credu bod e’n really dda,” meddai wrth golwg360. “Yn amlwg, ideally byddai pawb yn ei ddathlu pob dydd. Ond that’s not the case.

“Gyda miwsig Cymraeg mae pobol [dal yn dweud]: ‘I don’t really like Welsh language music’. A hynny, er bod nhw heb glywed e’.

“Mae hwn yn rheswm i wthio fe a chael e mas i gynulleidfa wahanol.”

Surf rock ar Lan y Môr

I nodi’r diwrnod mawr mae’r triawd wedi cyhoeddi cân, ‘Lan y Môr’ – sef diweddariad o’r clasur Cymreig. Mae Gwenllian Anthony yn esbonio’r hanes tu ôl i’w fersiwn hwythau.

“Roedd gyda ni’r surf rock riff yma,” meddai. “Ac o’n i am ages yn trio meddwl am lyrics iddo fe.

“Ac wedyn oeddwn i’n meddwl: ‘pam nag ydym ni’n gwneud cover o Lan y Môr?… Falle wneith hynna weithio!’ Wnaethon ni drio fe, a’r tro cyntaf i ni fynd trwyddo fe it worked.

“Mae wedi gweithio’n berffaith.”

Dyma fideo gan Ŵyl y Dyn Gwyrdd o Adwaith yn perfformio ‘Ar Lan y Môr’:

https://twitter.com/GreenManFest/status/1225739769382129666

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones