Tros 20,000 yn ffonio i gael cyngor am drethi yn Gymraeg

 
Criw swyddfa dreth Porthmadog

Criw swyddfa dreth Porthmadog

Llun gan yr Adran Gyllid a Thollau

Mae’r nifer o bobol sy’n gofyn am wasanaeth Cymraeg gan Adran Gyllid a Thollau Llywodraeth Prydain wedi cynyddu.

Y llynedd bu i dros 20,000 o bobl ffonio swyddfeydd treth Cymru ym Mhorthmadog a Chaerdydd i gael cyngor yn Gymraeg.

Ac fe gafodd Gwasanaeth Iaith Gymraeg Adran Gyllid a Thollau Llywodraeth Prydain flwyddyn i’w chofio yn 2019 wrth iddyn nhw gyfieithu dros 1.5 miliwn o eiriau.

Daw’r newyddion am yr ystadegau hyn ddwy flynedd ers i 17 o weithwyr y Gwasanaeth Cyllid a Thollau ym Mhorthmadog gael cadw eu swyddi ar ôl bygythiadau y byddai’r swyddfa yno’n cau.

Swyddi Cymraeg swyddfa dreth Porthmadog wedi’u diogelu

32 ar gael i gynghori

Mae 32 o bobl bellach yn gweithio i Wasanaeth Iaith Gymraeg Cyllid a Thollau Ei Mawrhydi ym Mhorthmadog a Chaerdydd.

Mae’r tîm ym Mhorthmadog yn cynnig cyngor ar amryw o faterion treth i’r bobl sydd am gael y gwasanaeth drwy’r Gymraeg.

Yng Nghaerdydd wedyn mae’r Uned Iaith Gymraeg yn darparu gwasanaethau cyfieithu ar gyfer y Gwasanaeth Cyllid a Thollau ac yn cydlynu holl ofynion Iaith Gymraeg y gwasanaeth.

“Yn ogystal â’n dau brif dîm ym Mhorthmadog a Chaerdydd, mae gennym siaradwyr Cymraeg ar hyd Gwasanaeth Cyllid a Thollau Ei Mawrhydi all helpu cwsmeriaid,” meddai Pennaeth Gwasanaethau Cymraeg, Lee Jones.

“Mae’n hynod galonogol gweld anghenion iaith Gymraeg y sefydliad a’r cwsmeriaid yn codi flwyddyn ar ôl blwyddyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones