Rhybudd am argyfwng natur yng Nghymru

Diweddarwyd am  

Llun: Awdurdod Parc Cenedlaethol Eryri

Mae hi’n argyfwng natur yng Nghymru, gyda bron i draean o’n mamaliaid brodorol mewn perygl o ddiflannu o’n tir a’r dirywiad mewn bioamrywiaeth yn cael effaith difrifol ar ein hamgylchedd.

Dyna yw rhybudd pedwar o fudiadau cadwraeth sy’n galw ar gyrff cyhoeddus yng Nghymru i gyhoeddi argyfwng natur yn ogystal ag argyfwng hinsawdd.

Yn ôl WWF Cymru, RSPB Cymru, Ymddiriedolaeth Natur Cymru a Coed Cymru, mae angen i gyrff cyhoeddus gydweithio i sicrhau eu bod yn rhoi sylw i adfer natur yn ogystal â datgarboneiddio.

“Mae hyn yn cynnwys lleihau llygredd, mynd i’r afael ag effeithiau ffermio dwys a threfi nad ydyn nhw’n gadael lle i fyd natur,” meddai Jessica McQuade, pennaeth polisi WWF Cymru mewn erthygl ar y wefan Click on Wales.

“Mae’r sylw mae’r argyfwng hinsawdd yn ei gael gan y cyhoedd a gwleidyddion yn rhywbeth i’w groesawu – gan fod newid hinsawdd yn fygythiad mawr i bobl a byd natur.

“Ond y gwir yw mai un agwedd yn unig yw ein hinsawdd o’n ecosystem fyw a rhyng-gysylltiedig. Rhaid mynd i’r afael â’r ddau argyfwng – newid hinsawdd a cholli bioamrywiaeth – ar y cyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones