Tsieina yn elwa ar arbenigedd prifysgolion Cymru

 


Carwyn Jones
Mae deg prifysgol Cymru wedi dod at ei gilydd i gynnig “pecyn unigryw” o  hyfforddiant ac arbenigedd i’r farchnad addysg uwch yn Tsieina.

Cafodd Consortiwm Hyfforddiant Addysg Uwch Cymru ei lansio  yn swyddogol heddiw gan y Prif Weinidog Carwyn Jones, a oedd ar ymweliad â Tsieina i hyrwyddo Cymru.

Mae’n golygu y bydd Tsieina yn gallu elwa ar arbenigedd sector prifysgolion Cymru. Bydd y prosiect yn crynhoi’r wybodaeth a’r arbenigedd sydd i’w cael yng Nghymru er mwyn bodloni anghenion y farchnad yn Tsieina.

Bydd y grŵp yn gweithio gyda Bwrdeistref Chongqing i sefydlu Canolfan Hyfforddiant Chongqing – Ewrop. Bydd y Consortiwm wedyn yn mynd ymlaen i weithio gyda sefydliadau unigol yn Tsieina.

Dywedodd Carwyn Jones:  “Dyma’r tro cyntaf i bob un o’r deg prifysgol yng Nghymru ddod at ei gilydd i gynnig pecyn unigryw a chynhwysfawr o hyfforddiant i unrhyw ran o’r byd.

“Mae hyn yn cydnabod y berthynas arbennig sydd gan Gymru â Chongqing, ac nid oes unrhyw brifysgol yn y byd sy’n cynnig unrhyw beth tebyg.

“Bydd y Consortiwm hwn yn manteisio ar gryfderau gwahanol Brifysgolion mewn gwahanol bynciau er mwyn sicrhau ein bod yn darparu gwasanaeth wedi’i deilwra ar gyfer ein partneriaid yn Tsieina.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl