Postmon o Ben Llŷn yn sgorio 147 mewn gêm snwcer

 
Llun: Elfed Evans

Elfed Evans

Mae postmon o Ben Llŷn wedi dweud ei fod yn ei chael yn anodd credu ei fod wedi sgorio 147 mewn gêm gynghrair o snwcer.

Dyma’r sgôr uchaf posib ar un ymweliad gyda’r bwrdd, a rhaid potio pob pêl er mwyn ei gyrraedd, sy’n golygu potio’r ddu ar ôl pob pêl goch cyn troi at botio’r lliwiau i gyd.

Mae Elfed Evans o Bwllheli yn hynod o hapus gyda’i gamp.

Mi sgoriodd yr 147 ar nos Fercher mewn gêm gynghrair yn Aberdaron, ac roedd yn cynrychioli’r Pwllheli Blues ar y pryd.

Dyw’r gŵr 50 oed erioed wedi gwireddu’r gamp o’r blaen, ac mae’n esbonio bod y fath sgôr yn hynod brin – yn enwedig mewn gêm gynghrair amaturaidd.

“Dw i ddim yn gwybod os oes llawer wedi gallu ei wneud yn amatur yng Nghymru,” meddai wrth golwg360. “Dw i wedi clywed am un hogyn o Gasnewydd yn gwneud un flynyddoedd yn ôl.

“Mae tipyn wedi ei wneud o mewn practice. Ond mewn match go-iawn… dim dw i ddim yn credu bod llawer wedi cael ei wneud o. Alla’ i ddim coelio’r peth o hyd!”

Cynrychioli Cymru

Dechreuodd Elfed Evans chwarae snwcer yn 14 oed ac er nad yw erioed wedi chwarae’n broffesiynol, mae wedi cynrychioli Cymru mewn gemau amatur.

Mi gynrychiolodd Cymru mewn cystadleuaeth ryngwladol yn Ne Affrica yn 1994.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones