Amgueddfa Genedlaethol yn ffarwelio â Dippy

Diweddarwyd am  
Dippy yn Amgueddfa Genedlaethol CaerdyddAmgueddfa Genedlaethol Caerdydd

Dippy yn Amgueddfa Genedlaethol Caerdydd

Llun: Amgueddfa Genedlaethol Caerdydd

Mae’r Amgueddfa Genedlaethol yng Nhaerdydd wedi ffarwelio â Dippy y Diplodocus, cast sgerbwd deinosor enwocaf Amgueddfa Hanes Natur, Llundain, sydd wedi bod yn yr amgueddfa ers mis Hydref y llynedd.

Yn ystod y cyfnod yma croesawodd yr amgueddfa 213,740 o ymwelwyr – cynnydd o 42% i gymharu â’r un cyfnod y flwyddyn gynt.

Dywedodd David Anderson, Cyfarwyddwr Cyffredinol Amgueddfa Cymru: “Mae hi wedi bod yn galonogol i weld sut mae’r arddangosfa wedi ysbrydoli ymwelwyr o bob oedran i archwilio, darganfod a dysgu sut allen nhw gymryd rhan a gwarchod natur ar eu stepen ddrws.”

“Ysbrydoli”

Bydd Dippy nawr yn parhau ar ei daith o amgylch amgueddfeydd y Deyrnas Unedig gan ymweld â Rochdale.

“Bwriad Dippy yw ysbrydoli pobl i ddarganfod y byd natur sydd o’u cwmpas,” meddai Philippa Charles, Cyfarwyddwr Sefydliad Garfield Weston a oedd yn gyfrifol am ddod a Dippy i Gaerdydd.

“Ry’n ni wrth ein bodd bod Dippy wedi cyflawni ei dasg mewn ffordd mor llwyddiannus yn Amgueddfa Genedlaethol Caerdydd, ac ry’n ni’n gwybod ei fydd yr un mor boblogaidd yn ei gartref newydd yn Rochdale.”

Po mor boblogaidd oedd Dippy?

  • 213,740 o ymwelwyr i Amgueddfa Genedlaethol Caerdydd.
  • 12,441 o blant ysgol o 282 ysgol i Amgueddfa Genedlaethol Caerdydd.
  • Dros 1.5 miliwn wedi ymweld â Dippy ar Daith mewn 6 lleoliad gwahanol.

 

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones