Carchar Caerdydd yn un o 16 i dderbyn sganiwr pelydr X

Diweddarwyd am  
Carchar

Carchar

Llun: Llywodraeth y Deyrnas Unedig

Mae  carchar Caerdydd ymhlith 16 o’r carchardai “mwyaf heriol” yng ngwledydd Prydain a fydd yn elwa o fuddsoddiad mewn sganwyr pelydr X i wella diogelwch.

Bydd Llywodraeth y Deyrnas Unedig yn buddsoddi £28m er mwyn gosod y sganwyr, ac ymhlith yr 16 carchar fydd yn eu derbyn mae carchar Caerdydd.

Mae’r sganwyr yn “hynod soffistigedig”, yn ôl y Weinyddiaeth Gyfiawnder, a byddan nhw’n cael eu defnyddio i rwystro carcharorion rhag smyglo cyffuriau, ffonau ac arfau yn eu cyrff.

Bydd y sganwyr yn dechrau cael eu gosod yn y gwanwyn, ac mae disgwyl y bydd pob un yn weithredol erbyn yr haf.

“Rhwystro’r llif”

“Mae technoleg newydd yn rhan allweddol o’n hymdrechion i rwystro’r rheiny sydd yn benderfynol o achosi anhrefn yn ein carchardai,” meddai’r Gweinidog Carchardai, Lucy Frazer.

“Bydd y sganwyr yma yn helpu rhwystro’r llif o ddeunydd gwaharddedig i’n carchardai, ac yn galluogi swyddogion i ganolbwyntio ar adsefydliad.”

Carchardai

Ymhlith y carchardai eraill a fydd yn derbyn y sganwyr mae Exeter, Durham, Preston, Lerpwl, Birmingham, Hewell, Lincoln, Bedford, Norwich, Chelmsford, Winchester, Elmley, Pentonville, Wandsworth, a Bryste.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones