Tân Ffair Rhos: teulu’n “galaru” am eu mab tair oed

Diweddarwyd  
Zac, 3, (chwith) a fu farw mewn tan mewn carafan yn Ffair Rhos a'i frawd Harley, 4

Zac, 3, (chwith) a fu farw mewn tan mewn carafan yn Ffair Rhos a’i frawd Harley, 4

Llun: trwy law Heddlu Dyfed Powys

Mae teulu bachgen tair oed a fu farw mewn tân mewn carafán yn Ffair Rhos ger Pontrhydfendigaid, Ceredigion wedi diolch “i bawb am eu cefnogaeth a geiriau caredig”.

Mewn datganiad dywedodd y teulu eu bod nhw’n diolch i bobl am barchu eu preifatrwydd wrth iddyn nhw alaru am eu mab, Zac Harvey, a fu farw yn y tân a’u bod nhw nawr yn canolbwyntio ar ei frawd Harley, 4 oed, sy’n parhau mewn cyflwr difrifol yn yr ysbyty.

Fe lwyddodd Harley a’i dad i ddianc o’r garafán. Mae’r tad, sydd wedi cael ei enwi’n lleol fel Shaun Harvey, mewn cyflwr sefydlog.

Cafodd Heddlu Dyfed Powys eu galw i’r tân am 5.35 fore dydd Sul (Ionawr 19) a chafwyd hyd i gorff Zac yn y garafán.

Mae’r heddlu’n ymchwilio i achos y tân ond yn dweud nad ydyn nhw’n ei drin fel un amheus.

Trasiedi “wedi bwrw’r ardal”

Yn gynharach dywedodd y cynghorydd lleol Ifan Davies bod y digwyddiad yn “drasiedi ddifrifol sydd wedi bwrw’r ardal yn ofnadw.”

Ychwanegodd: “Rydym ni’n byw mewn cymuned glos, ac i gyd yn cydymdeimlo’n fawr a’r teulu bach.”

Mae’r teulu’n cael cymorth gan swyddogion cyswllt teulu arbenigol.

Mae’r heddlu’n awyddus i siarad gydag unrhyw un oedd yn ardal Ffair Rhos tuag adeg y tân sydd â gwybodaeth a allai helpu gyda’r ymchwiliad.

Dylai unrhyw un sydd â gwybodaeth ffonio’r heddlu ar 101.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones