Deiseb yn galw ar TripAdvisor i ganiatau adolygiadau Cymraeg

 

Llun: CCO

Mae deiseb wedi cael ei lansio yn galw am yr hawl i ysgrifennu adolygiadau Cymraeg ar wefan TripAdvisor.

Mae’r ddeiseb wedi denu 30 o enwau hyd yn hyn.

Mae TripAdvisor wedi ennyn cryn feirniadaeth ar ôl iddi ddod i’r amlwg nad yw’r wefan yn adnabod y Gymraeg ac felly mae’n gwrthod adolygiadau drwy gyfrwng yr iaith.

Mae’n debyg bod y cwmni angen gallu adnabod iaith adolygiad er mwyn medru dileu unrhyw sylwadau hiliol neu anghyfreithlon.

“Er nad ydym yn medru derbyn adolygiadau Cymraeg,” meddai llefarydd ar ran TripAdvisor, “rydym yn chwilio o hyd am gyfleoedd i ehangu nifer yr ieithoedd.”

Deiseb

Cafodd y ddeiseb ei chreu gan Bryn Howell-Pryce sy’n frodor o’r Drenewydd, ond wedi treulio blynyddoedd yn byw yn Rhydychen, cyn symud i Geredigion.

Ers symud yn ôl i Gymru i fyw mae o wedi bod yn dysgu Cymraeg.

Roedd wedi synnu nad oedd modd ysgrifennu adolygiadau Cymraeg ar y wefan Trip Advisor.

“Nes i sylweddoli nad oedd hi’n bosib creu adolygiad Cymraeg ar Trip Advisor, a meddwl fod hynny yn ridicilous, felly mi wnes i greu’r ddeiseb,” eglura Bryn Howell-Pryce.

“Does dim llawer o bobl y tu allan i Gymru yn sylweddoli bod Cymraeg yn iaith gyntaf i lawer o bobl.

“Mae’n rhaid i ni gymryd pob cyfle posib i ddangos i bobl pa mor bwysig ydi’r Gymraeg yma yng Nghymru.

Os am arwyddo’r ddeiseb dilynwch y linc yma.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones