Ysgol Plasdŵr: protestwyr yn meddiannu swyddfeydd Cyngor Caerdydd

Diweddarwyd am  
Protest tu allan i swyddfeydd Cyngor Caerdydd i bwyso am ysgol Gymraeg Plasdwr

Protest tu allan i swyddfeydd Cyngor Caerdydd i bwyso am ysgol Gymraeg Plasdwr

Llun: Cymdeithas yr Iaith

Mae criw o brotestwyr wedi meddiannu swyddfeydd Cyngor Caerdydd heddiw (Dydd Llun, Ionawr 20) er mwyn pwyso am sefydlu ysgolion cyfrwng Cymraeg yn natblygiad Plasdŵr yng ngogledd-orllewin y ddinas.

Yn ôl ym mis Medi 2018, cyhoeddodd Arweinydd Cyngor Caerdydd Huw Thomas y byddai “ysgolion cyfrwng Cymraeg yn rhan ganolog o ddatblygiad Plasdŵr.”

Ond mae cabinet Cyngor Caerdydd yn ystyried sefydlu ysgol gynradd ddwyieithog newydd gyda hanner y disgyblion mewn ffrwd Saesneg.

Lluniwyd deiseb yn galw am ysgol benodedig Gymraeg, a gafodd 876 llofnod arni.

Dim ond 15 o 180 o ymatebion oedd yn cefnogi agor ffrwd Saesneg ym Mhlasdŵr, lle bydd saith mil o dai yn cael eu hadeiladu dros y saith mlynedd nesaf.

Mae bron i chwarter y boblogaeth yno’n siarad Cymraeg.

“Rhwystro twf y Gymraeg”

Dywed Mabli Siriol o Gymdeithas yr Iaith: “Rydyn ni’n galw ar Arweinydd y Cyngor i gadw at ei air i agor ysgol cyfrwng Cymraeg, nid ysgol ddwyieithog.

“Fel arall, drwy beidio defnyddio’r cyfalaf sy’n dod gyda’r datblygiad tai anferth yma i agor ysgol cyfrwng Cymraeg benodedig, byddai’r cyngor yn rhwystro twf y Gymraeg yn yr ardal a dyheadau’r rhan helaeth o bobl yr ardal i adfer y Gymraeg a gweld ein pobl ifanc yn dod yn rhugl yn yr iaith.”

Mae disgwyl i gabinet y cyngor benderfynu ar gyfrwng iaith yr ysgol gyntaf sy’n rhan o ddatblygiad Plasdŵr ddydd Iau (Ionawr 23).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones