Bachgen, 3, wedi marw mewn tân mewn carafán

Diweddarwyd am  
Rhan o beiriant tan

Injan dan

Llun: Commons Wikimedia CC 1.0

Mae Heddlu Dyfed Powys yn cynnal ymchwiliad ar ol i fachgen tair oed farw mewn tân mewn carafán ym mhentref Ffair Rhos ger Pontrhydfendigaid yng Ngheredigion.

Mae brawd y bachgen, sy’n bedair oed, mewn cyflwr difrifol yn yr ysbyty.

Cafodd yr heddlu eu galw i’r tan am 5.35 y bore ddydd Sul (Ionawr 19).

Mae’n debyg bod tad y bechgyn gyda’i ddau fab yn y garafán pan ddechreuodd y tân.

Yn ôl yr heddlu fe lwyddodd y tad a’r bachgen pedair oed i ddianc o’r garafán ond cafwyd hyd i gorff y bachgen tair oed yn y garafán.

Roedd y tad a’i fab wedi cael llosgiadau difrifol. Mae’r tad mewn cyflwr sefydlog ond mae ei blentyn arall mewn cyflwr difrifol ond sefydlog.

“Digwyddiad trasig”

Mae’r heddlu’n ymchwilio i achos y tân.

Dywedodd y Ditectif Prif Uwch Arolygydd Steve Cockwell: “Mae ein meddyliau gyda’i deulu yn y cyfnod hynod o anodd hwn ac mae swyddogion arbenigol yn rhoi cymorth iddyn nhw.

“Mae’r Adran Ymchwilio Troseddau yn cynnal ymchwiliad i achos y tân ac mae ystafell reoli arbennig wedi’i sefydlu yng ngorsaf yr heddlu yn Aberystwyth.”

Mae’r heddlu’n awyddus i siarad gydag unrhyw un oedd yn ardal Ffair Rhos tuag adeg y tân sydd â gwybodaeth a allai helpu gyda’r ymchwiliad.

“Roedd hyn yn ddigwyddiad trasig ac fe fyddwn ni’n gwneud popeth yn ein gallu i ddod ag atebion i’r teulu – mae eu byd wedi cael ei rwygo gan y digwyddiadau bore ma,” meddai Steve Cockwell.

Dylai unrhyw un sydd â gwybodaeth ffonio’r heddlu ar 101.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones