Gweinidog Brexit Cymru yn cefnogi Keir Starmer i arwain Llafur

 
Pemn ac ysgwydd o Jeremy Miles

Jeremy Miles

Llun: Cynulliad Cenedlaethol Cymru CC 2.0

Mae Gweinidog Brexit Cymru wedi cefnogi Keir Starmer yn ei ymgais i olynu Jeremy Corbyn yn arweinydd ar y Blaid Lafur.

Mewn neges ar Twitter, mae Jeremy Miles yn dweud bod yr ymgeisydd yn medru “ysbrydoli” aelodau, ac “ennyn ffydd y cyhoedd”.

“Mae yna mwy nag un ymgeisydd cryf yn y ras yma, ond Keir Starmer yw’r ymgeisydd dw i’n ei gefnogi,” meddai. 

“Mae gyda Keir weledigaeth radical o gyfiawnder, democratiaeth, ac ysbrydoliaeth. 

“Ac mae’n cyfuno hynny gyda’r gallu i’n dychwelyd ni i lywodraeth yn San Steffan fel ein bod yn gallu rhoi’r weledigaeth yna ar waith.” 

Cefnogi’r ymgeiswyr

Daw’r cyhoeddiad wedi i fwyafrif o Aelod Seneddol Cymru enwebu’r gweinidog Brexit cysgodol, ac wedi i’r Aelod Cynulliad, Jack Sargeant, ddatgan ei gefnogaeth yntau.

Ymhlith yr Aelod Seneddol Cymreig a enwebodd Keir Starmer mae Anna McMorrin, Carolyn Harris, Chris Elmore, a Geraint Davies. 

Bellach mae pump wedi ennill digon o enwebiadau ac yn y ras i arwain y Blaid Lafur: Rebecca Long-Bailey, Lisa Nandy, Jess Phillips, Emily Thornberry a Keir Starmer. 

Bydd enw yr arweinydd newydd yn cael ei gyhoeddi ar Ebrill 4.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones