Cyn-chwaraewr rygbi ar fin torri record sgïo i Begwn y De

Diweddarwyd am  

Mae’r cyn-chwaraewr rygbi rhyngwladol Cymru, Richard Parks, o fewn trwch blewyn i dorri record Brydeinig am sgïo i Begwn y De.

Roedd e o fewn pum milltir i’r pegwn fore heddiw (dydd Mercher, Ionawr 15) ar ôl bod yn sgïo trwy eira trwm a thymheredd isel dros ben ers 28 diwrnod.

Mae’r cyn-flaenasgellwr, oedd wedi chwarae i Bontypridd, y Rhyfelwyr Celtaidd, y Dreigiau a Leeds, wedi sgïo mwy o filltiroedd ar ei ben ei hun heb gymorth nag unrhyw un arall erioed.

Erbyn diwedd ei daith, fe fydd e wedi bod yn sgïo am fwy na 29 diwrnod, 19 awr a 24 munud, gan dorri’r record wnaeth e ei gosod yn 2014.

Fe adawodd e arfordir yr Antarctig am 11.23yb ar Ragfyr 17, gyda digon o fwyd i’w gynnal am 25 diwrnod, a dydy hi ddim yn glir faint o fwyd sydd ganddo ar ôl erbyn hyn.

Mae e wedi dringo mwy na 2,800m uwchben lefel y môr, sef dwywaith uchder mynydd Ben Nevis.

Yn 2011, Richard Parks oedd y person cyntaf i ddringo mynydd uchaf pob un o saith cyfandir y byd a sefyll ar begynnau’r De a’r Gogledd o fewn blwyddyn galendr, ac mae’r gamp wedi cael lle yn y Guinness Book of Records.

Chwaraeon Eraill

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones