Mark Drakeford: “Dylid gwrthod cytundeb Brexit”

Diweddarwyd  
Llun: golwg360

Mark Drakeford

Yn ei gynhadledd gyntaf i’r wasg eleni dywedodd Mark Drakeford mai llymder, Brexit a newid hinsawdd yw ei brif flaenoriaethau eleni.

Dywedodd y bydd ei lywodraeth yn parhau i gynnig llais am y pethau sy’n bwysig i Gymru er mwyn “gwarchod ein heconomi a swyddi”.

Er bod Prif Weinidog Cymru bellach yn cydnabod y bydd y Deyrnas Unedig yn gadael yr Undeb Ewropeaidd ar ddiwedd mis Ionawr dywedodd mai nod Llywodraeth Cymru yw “canolbwyntio ar y ffordd rydym ni’n gadael” a sicrhau perthynas gydag Ewrop.

Bydd gofyn i’r Cynulliad Cenedlaethol a Senedd yr Alban roi cysyniad i’r cytundeb, ac mae Mark Drakeford wedi annog aelodau’r cynulliad i bleidleisio yn ei erbyn.

“Ni fyddem yn rhoi cysyniad i’r cytundeb gan fod nifer o bethau sydd ddim yn gweithio i ni,” meddai.

Er hyn ni fydd gwrthwynebiad gan aelodau’r cynulliad yng Nghymru nac yr Alban yn atal Boris Johnson rhag pasio ei gytundeb ddiwedd fis Ionawr.

Methu targed gwasanaeth Ambiwlans

Dywedodd Mark Drakeford yn y gynhadledd i’r wasg fod y gwasanaeth iechyd wedi wynebu “pwysau sylweddol” dros gyfnod y Nadolig.

Fe arweiniodd hynny at y gwasanaeth Ambiwlans yn methu ei darged am y tro cyntaf.

Ond dywedodd Mark Drakeford bod “y cynlluniau a gafodd eu rhoi mewn lle gan y llywodraeth yn gynharach yn y flwyddyn ddiwethaf i baratoi’r Gwasanaeth Iechyd ar gyfer y gaeaf yn parhau i weithio.”

Dim cefnogaeth i ymgeiswyr fydd yn olynu Corbyn

Yn yr un modd a wnaeth ei ragflaenydd Carwyn Jones, cadarnhaodd Mark Drakeford, arweinydd  Llafur Cymru, na fydd yn cefnogi unrhyw ymgeisydd yn y ras i olynu Jeremy Corbyn fel arweinydd y Blaid Lafur – “fel Prif Weinidog bydd rhaid delio gyda phwy bynnag sy’n cael ei ethol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones