Merch, 15, yn cyfaddef ymosod ar Katherine Jenkins

 

Katherine Jenkins

Llun: CCA 2.0, David Skinner

Mae merch 15 oed wedi cyfaddef iddi ymosod ar y gantores opera Katherine Jenkins ac wedi dweud ei bod hi’n fodlon ymddiheuro wrthi.

Digwyddodd yr ymosodiad ar y Kings Road yn Chelsea, fis diwethaf a chafodd ffon Katherine Jenkins, iPhone gwerth £500, ei ddwyn.

Roedd Katherine Jenkins, sy’n dod o Gastell-nedd yn wreiddiol, wedi ymyrryd ar ôl gweld dynes arall yn cael ei mygio, pan gafodd ei ffon hithau ei ddwyn. Cafodd ei helpu gan aelodau o’r cyhoedd cyn i’r heddlu gyrraedd.

Roedd y gantores ar ei ffordd i ymarfer ar gyfer cyngerdd carolau elusen Henry van Straubenzee ar ddiwrnod y digwyddiad (Rhagfyr 4).

Mae’r ferch, na ellir cyhoeddi ei henw am resymau cyfreithiol, hefyd wedi cyfaddef iddi ymosod ar heddwas.

Penderfynodd y barnwr, Susan Williams fod yn rhaid i’r ferch fynychu panel troseddwyr ifanc am chwe mis, a chafodd mam y ferch orchymyn i dalu £20 o iawndal.

Dywedodd y ferch y byddai’n fodlon ymddiheuro wrth Katherine Jenkins, un ai mewn llythyr neu wyneb yn wyneb.

Yn ôl ei chyfreithwraig, Sabrina Fitzgerald, roedd y ferch wedi dwyn y ffon am ei bod yn credu ei bod hi’n cael ei ffilmio.

Nid oedd Katherine Jenkins yn y llys ar gyfer y gwrandawiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones